نحن المستمعون....؟ [الأرشيف] - \*/\*/\*/\*/ منتديات التحدي \*/\*/\*/\*/

سندريلا الحب

26-Feb-2007, 07:30 AM

والفكرة عبارة عن اناو الحبوب هنعرض كل يوم مشكلة بخطنا احنا
بس بكلمات اصحابة ومش هنغير حرف والمشاكل دى محتاجة منكم حل
فلوسمحتوا شاااركوا معاااا باراكم وحلولكم وممكن تكتبوا مشاكلكم
واحنا هنحاول انشاء الله نحلة ...
واول مشكلة معاااا انهاردة.....

بسم الله الرحمن الرحيم........
السلام عليكم ورحمة الله وبركاتة.
انا همام ابلغ من العمر24عام خريخ تجارة واعمل محاسب بااااحدى الشركات
احببت فتاة تبلغ من العمر21عام وكانت علاقتنا وحبنا من اجمل القصص تقدمت لة
فرفض والدة زوجونا لانة فى نظروا مخطوبة لااابن عمة ومرت الايام وكن نفكر ماذا نفعل
واتفقت معى على الهروب وتزوجن عرفى بدون اعلام احد وحدث مااااحدث ثم رجعت الى بيتة
وعرف والدة بما حدث ووافق على الزواج وهو غير راضى علينا وتم كتب الكتاب والفرح بعد شهر
من اليوم والمشكلة اننى احبة ولكنى لااسطيع ان انسى انة هربت معى وعصت والدة لااااجلى
وافكر اذاكانت فعلت هذا لااانةتحبنى ولم تحافظ على نفسة وهى فى بيت ابوها
ماذا ستفعل وهى معى فى بيتى هل ستصون عرضى وبيتى وحبى لا اعلم التفكير والشك
سيقتلنى .ماذاااااااا افعل...؟

Mr Freek

26-Feb-2007, 07:36 AM

ما بنى على باطل فهو باطل
بمعنى
القرار من البداية كان خطأ بالتفكير فى الهروب
والخطأ الأفدح إنهم بالفعل هربوا مع بعض
أوقات المشاعر والأحاسيس بتطلع الواحد بره دايرة شعورة فى اللى هوه بيعمله
لكن
لو كانت دى إرادة ربنا إنهم يفترقوا
يبقى ليه نعافر

(عارف أنى بذم فالموقف وفى حاجة راحت خلاص)
لكنى مملكش حل عملى يفيد الطرفين (يمكن حاليا)
سلام

AbOzIeD

26-Feb-2007, 10:58 AM

فكره جميله
وان شاء الله تلاقى النجاح

اما بالنسبه للمشكله
فرأيى
ان هما اتسرعوا وهما بدأو غلط
ايوه كان في حاجز قوى
بس مكنش يوصل لكده
لان الزواج بدون ولى باطل أولا
وثانيا عصت ابها وتلك معصيه اخرى
ولكن حدث ما حدث وتم الاجبار علي الوالد وتمت الزيجه
فهذا ليسى بالمعنى انها ستخونك او انها سترتكب المعصيه
لا بد ان تحافظ علي عش الزوجيه ولا تطرح ذلك السؤال .
لانك بيدك ستهدم المنزل
ومن الكلام كان هناك بينكم قصه حب كبيره
اين ذلك الحب مع تلك الكلمات
غفر الله لكما ويسر لكم الطريق إلي الهدايه والايمان

algantel_M

26-Feb-2007, 07:33 PM

ممتاز ياسندريلا جهدك وممتازة الفكرة
وان كانت حبيبتك فعلت هكذا فهذا
من أجلك لا من أجل غيرك ولكن لا يجوز
أن تعصي اباها فهذا حرام وأنت ذكرت أن
سنها 21 يعني من حقها تختار وهي المسئولة
عن اختيارها تمنياتي لكم بالتوفيق لكن عشان
تبني بيت قوي يجب انك ترضوا اباها وتحاول
توصل ليه انك جدير بها مش ان ده حصل الامور تقف
لحد هنا لا حاول تغلق صفحة الماضي وتبدا
تفتح كتاب جديد تكتب في اولها بسم الله توكلت علي الله
بالتوفيق وربنا يسعدكم .............

سندريلا الحب

27-Feb-2007, 12:29 PM

شكراااااااااا على الردود واتمنى يااااهمام تكون لاقيت الحل اللى يريحك وانا راييى من راى
الجنتل ......

سندريلا الحب

27-Feb-2007, 12:52 PM

وهنبدا انهاردة المشكلة التانية:
ومعانا صديقتنا سارة بتقوال فى رسالتة ........

السلام عليكم ورحمة االله وبركاتة.......
انا سارة مش مهم سنى قد اية ولا عايشة بقالى كام سنة المهم عندى انى بحبوا وهو داس على
قلبى وحبى وكرامتى كتير يجرحنى ويسبنى وبعدين يرجع يعتذر لى ويقوالى كان غصب عنى
لحد اخر مرة شوفتوا مع غيرى ..سالتوا هى مين؟قالى دى حبيبتى.
اقوالت طب وانا ؟قالى انت مش حاجة فى حياتى مجرد وقت وخلاص.وسابنى وبعدنا عن بعض.
بدات اتعود على بعدوا واعيش حياتى من غيروا مع انى مش قادرة افكر فى غيروا...
المشكلة دلوقتى انوا راجع يعتذر لى وعايزنى ارجع لية بيقوال انوا محتاجنى .....
بس انا خايفة يجرحنى ويسبنى زى كل مرة ........
اعمل اية ادوس على كرامتى واسمحوا ولا ابعد عنوا وانا روحى فيه........؟؟؟؟؟؟؟؟؟؟؟
ساعدونى ارجوكم.......وشكراااااا

الحبوب

28-Feb-2007, 03:13 PM

السلام عليكم ورحمه الله
اولا يا ساره مشكلتك فى زمنا ده
كتير بتكون موجوده بين الاحبه
والسبب ان فيهم حد مش عارف يعنى ايه حب بجد
ومش قادر يفرق بين الحب والتسليه بمعنى ادق
لكن الى بيحب دايما بيسامح لكن لازم تعرفى كويس جدا الفرق بين الكرامه والحب
ولازم تعرفيه يعنى ايه حب ولازم كمان يعرف قيمتك كويس جداااااا
لانه كده ملهاش غير حل واحد انه لسه مش واثق ان كان بيحبك او لاء
فلازم تثبيتيله ده اذا كنتى بتحبيه ولازم تنولى اعجابه اكتر من كده
وتفهميه ان الحب كبير اووى والى بيحب بيسامح حتى ولو انجرحت كرامته
مش معناه كلامى انك تدوسى على كرامتك لكن اتعلمى ازاى تحافظى عليها
وعلى حبك لاخر لحظه فى عمرك
ده ان كنتى فعلا بتحبي بجد
ياريت كلامى يكون واضح
والله ولى التوفيق
الحبــــــــــــــــــــــــــــــــــــــــــــــ ــــــــوووب

algantel_M

28-Feb-2007, 04:08 PM

أهلا بيكم ياجماعة وأنا شاكر مجهودك ياسندريلا
علي عرض المشاكل وسعيد بجهدك في هذا المكان وتمنياتي
لك بالتوفيق وتعرضي لينا مشاكل أكتر وأكتر وأنا سعيد
ان راي في المشكلة السابقة أفضل راي تمنياتي لكم
بالتوفيق واتمني المزيد ..........

algantel_M

28-Feb-2007, 04:25 PM

بسم الله الرحمن الرحيم
أم الرد علي مشكلة ساره قد ايه المشكلة حلوة وقد ايه وحشه في نفس الوقت
حلوه لان فيه انسانة بتحب حبيبها الحب ده كله ووحشه ان فيه انسان بينكر هذا
الحب ولكن دعيني انصحك نصيحة لا تعودي لهذا الشخص لان كرامتك معرضة انها
تنهار تاني وتالت فكري في انسان يكون جدير بحبك وصدقيني هو لو كان بيحبك حقا زي
ماهو راجع يقول مكنش باعك وداس عليك لكن لانه مش لاقي حد يضيع وقته معاه
قال يترمي اليك لانه هيرضيكي بكلمتين وخلاص وانتهي الامر وتوافقي هذا تفكيرة وهو
الارجح والله أعلم لكن صدقيني ان كنتي بتحبيه زي ماانت بتقولي باختصار سامحي نفسك
وحاولي تلاقي انسان يكون جدير بهذا الحب لكن لا تجعلي هذا الحب اهانة لنفسك وحياتك
اجعلي من حبك عزة لنفسك فانه لايستحق أن تتكلمي عنه أو تعترفي أنك تحبيه فأنت بالنسبة
له مجرد واحدة تحت الطلب كل ماوحده تخلص منه يرجع للي بتوافق علي طول ولما يلاقي
واحده تانية يتركك فأتمني أن لاتكوني كذلك لانه لو بيحبك حقا هيحافظ علي كرامتك لان هتكون
كرامتك من كرامته فاحفظي لنفسك حبك واجعليه للحب ليس للضياع ببساطة ابحثي عن حب من
أجلك لا من أجل انسان لايعرف معني الحب .... لاتعودي له واحفظي مكانك لانك هتنجرحي لو
فكرتي تعودي وهذه نصيحة مني وأتمني لك السعاده مع انسان يعرف يعني ايه حب من القلب

.. الجنتـــــــــــــل محمــــــــــــــــــــــد ..

سندريلا الحب

03-Mar-2007, 04:59 PM

شكرااااااااا ياااجماعة على الردود واتمنى يااااسارة انك تكونى شوفتيه واقتنعتى بحاجة منة

سندريلا الحب

03-Mar-2007, 05:11 PM

انا اسفة على التاخير دة فى عرض المشاكل بس كان فى ظروف خارجة عن اردتى والحمد لله
مرت بسلام ...المهم هنبدا فى عرض المشكلة التالتة معانا انهاردة...
ودة صديقنا اسامة بيقوال فى رسالتوا...
بسم اللة الرحمن الرحيم...
السلام عليكم ورحمة الله وبركاتة...
انا اسامة ابلغ من العمر19سنة بحب وحدة زميلتى ومعايا فى نفس الكلية من اول يوم شوفتة
وانا معجب بية وفضل الاعجاب دة يزيد لحد ماااتحول للحب عندى ومااااتكلمتش مع اى حد عن
الحب دة لحد مااااخلصت سنة اولى وانا دلوقتى فى تانية وعايز اعترف بحبى لية...بس
المشكلة دلوقتى ان صديق عمرى وحياتى وجارى بيحبة وهو ماااايعرفش انى بحبة
روحت افرحوا واقوالوا انى لااول مرة اعرف الحب فى حياتى سابقنى هو واعترف لى بحبوا
لحبيبتى سكت ومااااقدرتش اقوالوا على اى حاجة خوفت علية دة اول مرة يحب بجد وماااالهوش اللى
انا صديق .....
اعمل اية اسيبوا يعترف بحبوا لية وابعد عنة واسيبة ..هو احق بية منى وهاااايحافظ علية اكتر منى ....
ولا اقوالو انى بحبة من قبلوا ونخسر بعض.....
ساعدونى ارجوكوا مش عايز اخسر صديق عمرى........

algantel_M

03-Mar-2007, 10:12 PM

نصيحة أخي الكريم أسامة انك تسيب صحبك لانه اعترف قبلك
وان هي كانت موافقة علي صديقك فأنت هتفرح فرحتين هتفرح لصديقك
وهتفرح لانك لقيت السعادة للانسانة اللي انت بتحبها دي في
حالة انها توافق .............

أم اذا رفضت صديقك فمن حقك أن تقول لصديقك قبل أن تصارحها
بحبك ولازم صديقك يوافق أنك تصارحها بحبك أم اذا رفض فاعلم
أنه انسان أناني ومن حقك أن تخوض الطريق لوحدك وتصارحها

وتمنياتي لك أنت وصديقك بالتوفيق ويبقي حبكم لبعض كصدقاء وتحافظوا علي
الصداقة لانها أجمل شيئ في الدنيا

سندريلا الحب

05-Mar-2007, 03:09 PM

شكرااااااااااا ليك يااااجنتل على النصيحة واتمنى انك تكون اخد براى يااااسامة

سندريلا الحب

05-Mar-2007, 03:37 PM

ونبدا انهاردة المشكلة الرابعة ومعانا اختنا نسرين وبتقوال...

السلام عليكم ورحمة الله وبركاتة
انا نسرين عندى 17سنة فى سنة اولى اعلام. احلامى كتير ونفسى احققة واول حلم فقد الامل انى
احققوا اتحقق من غير مااااحس وهو انى الاقى الانسان الامين ويحبنى .
بس المشكلة دلوقتى انى بشوفوا من غير مااااقوال لاامى او ابوى وحاسة انى بعمل حاجة غلط
هو اكبر منى وبيشتغل فى فندق وانا مااااعرفوش غير من فترة قصيرة ولسة مااااعترفش لى بحبوا
ولا انا اعترفت لية ومااااقدارش اقوال لية تعالى اخطبنى....
انا هااااشوفوا الاسبوع الجاى وعايزة اقوالوا كل الكلام دة واقوالوا مابنى على باطل
فهو باطل ...يعنى لوبدااا فى اول حياتنا بغلط ربنا مش هيوفقنا ...
ياااترى تفكيرى دة سطحى ولا صح...
وان بعد عنى انساة ولا اية ....يااااريد الاقى الرد بس بسرعة ...
بليززززززززززززززززززززززززززززز

AbOzIeD

05-Mar-2007, 04:27 PM

ايوه قولى ليه علي كل حاجه وقولي الصح
وايوه ما بنى على باطل فهو باطل
وانك تشوفيه من ورا أهلك دى بتبقي خيانه
والاهل مش من السهل يغفروا أخطاء زى دى
وان هوه مش راضى مثلا او معترض يبقي خلاص ابعدى عنه والايام هتنسيكى

algantel_M

07-Mar-2007, 06:05 PM

تفكيرك صحيح نسرين
واتمني انك تحاولي تساليه ان كان هيخطبك والا لا
حتي تتضح لك الرؤية فان كان هيخطبك فيتفضل الي بيت أهلك
ويصبح من حقك تحبيه بكل قواكي أم غير ذلك فأنصحك أن تبلغي
أبوك وأمك وهما يدلوكي علي الطريق الصحيح
أم اذا كان الانسان اللي أنت بتحبيه ده بيماطل في انه يخطبك
فأحسن انك تبعدي عنه وتعيش حياتك مع انسان يستحق الصدق في الحب
شكرا وجزاك الله كل خير ياسندريلا علي البرنامج الجميل ده

سندريلا الحب

07-Mar-2007, 06:52 PM

شكرااا ليكوا يااااجماعة واتمنى منك يااااانسرين انك تكونى لاقيتى معان الحل الماسب.......

سندريلا الحب

07-Mar-2007, 07:03 PM

ودلوقتى نعرض مشكلة انهاردة ...ومعانا صديقنا مؤمن.وفى رسالتوا بيقوال....

انا مؤمن 15سنة فى 1 ثانوى ومشكلتى ان ديما بحس انى لوحدى مااااحدش بيسمعنى..
اهلى فى البيت مش بيسمعونى ومعتبرنى انى مش موجود .
والدى بيعاملنى بااااسلوب صعب جدااااااااا بيشتمنى وبيمد ايدوا على....
ومرات ابوى مش بتحبنى وديماااا بتخلق من ماااافيش مشكلة ..بحاول ابعد عنة قدر الامكان ..
وارضى بااامر ربنا بس تعبت محتاج حد يسمعنى امى ميتة وابويا قاسى على...فكرة انى اسيب لية
البيت وامشى مسيطرة على ...بس بقوال دراستى ومستقبلى...
ممكن اعمل اية سااااعدونى.؟

AbOzIeD

07-Mar-2007, 08:02 PM

مشكله فعلا
أولا أدعيلك بأن ربنا ييسر ليك أمورك ويهديك للصواب
ثانيا مش تتسرع وحاول انك تتكلم مع والدك وتفتح معاه حوار ومن خلال الحوار ده تبين وجه نظرك
وتبين ليه انك كبرت وعقلت بس من غير ما تزعله منك حوار فى منتها الادب
تقول ليه يا بابا ممكن نتكلم مع بعض شويه وتحكى ليه عن أحوالك وقله محتاج نصحتك ومحتاج حضنك ومحتاج انى أسمعك وأسمع صوتك
وصدقنى لو اتكلمت معاه وحكتله هتحس بيه وهتحس انك كنت فى بعد عن الأهل
وشكر ليك
وربنا يوفقك
وتقبلى تحياتى يا سندريلا علي المجهود الرائع

algantel_M

07-Mar-2007, 08:18 PM

أنا اتفق مع أبوزيد
لانك فعلا محتاج انك تقرب من والدك وتقربه منك
وان شاء الله ان عملت كدا هتلاقي المسائل اتغيرت
خالص ان شاء الله وربنا يوفقك

سندريلا الحب

08-Mar-2007, 07:23 PM

العفو والشكر ليك يااابوزيد انك شاركت معانا براى وليك ياااجنتل واتمنى ياااامؤمن انك تكون لاقيت الحل

سندريلا الحب

08-Mar-2007, 07:43 PM

ونبدا انهاردة المشكلة الجديد.....ومعانا صديقتنا ايمان وهى تقريبنا نفس مشكلة مومن بس
مختلفة شوية...وهى بتقوال...

السلام عليكم ورحمة الله وبركاتة...
انا ايمان عندى 20 سنة فى تالتة كلية تجارة بنت مدلعة اوى بابى مسافر وعايشة مع امى
بعمل كل شى من غير ماااحد يحاسبنى
بس عمرى مااااغلط بس انا نفسى الاقى رقيب على عمى مش بيقدر يكلمنى عشان امى بتخلية
ماااايدخلش فى حياتى...ووالدى ناسى انوا اصلا مخلفنى ...واختى مش بتحب تتكلم معايا
ودة ممكن يخالنى اعمل حاجة اندم علية...انا ممكن اكون عنادية بس طيبة..
ومش بحب الغلط بس اعمل اية ...اخرج نفسى من اللى انا فية ازاى...ممكن اعمل اية...
ماااعنديش اصحاب...وبحوال ارجع لربنا بس حااااسة بوحدة فظيعة ...بجد مخنوقةومش عارفة..
اية الحل..

hanaa

08-Mar-2007, 07:44 PM

السلام عليكم
انا كمان من راي الاخ ابو زيد والاخ جنتل لكن حاول يا مؤمن تبعد فكرة انك تسيب البيت لانه بكدى مش حتستفيد حتجة غير انك تضيع مستقبلك
ربنا ييسر لك امور ويوفقك الى ما فيه الخير
جزاكي الله كل خير اخت سندريلا على البرنامج الرائع

algantel_M

08-Mar-2007, 11:04 PM

أنا عندي حل وسهل وبسيط ياايمان
كلمي الله سبحانه وتعالي من خلال قراءة القران الكريم
لما تقراي في كتاب الله هتحسي براحة وأكثري من الاستغفار
وحاولي تقربي من أهلك وتحكي ليهم عن مشاكلك عشان يساعدوكي
واتمني لك المغفرة من الله سبحانة وتعالي

سندريلا الحب

11-Mar-2007, 07:28 AM

تفكير جميل ياامحمد واتمنى انك تكونى لاقيت الحل معانا وشكرا ليك ياااجنتل

سندريلا الحب

11-Mar-2007, 07:49 AM

ونبدا انهاردة مشكلتنا الجديدة ومعانا اخونا اسلام...
بيقوال فى مشكلتوا...

السلام عليكم ورحمة الله وبركاتة...
انا اسلام 19 سنة بحب واحدة وهى كانت بتقوال بتحبنى حاربت الدنيا عشانة خسرت كل اللى حوالى علشانة...وكنت مستعد اخسر روحى علشانة...وفاجاءة لاقيتة خانيتنى مع صديق عمرى واللى اديتوا لى
اديتوا لية... دلوقتى انا وصحبى دة متشاكلين
وهو عايزنى اسمحوا وانا سيبتة مع انى بحبة...وبحبواهو كمان ومش عارف اسمحوا وانساة ,
ولا اعمل اية...؟؟؟

...

algantel_M

11-Mar-2007, 09:15 PM

باختصار هي انسانة خاينة
ولازم تحذر صحبك منها وان كان صحبك وافق علي حبها وهو كان علي علم بحبكم
فاعلم انه انسان أناني لايحب الا نفسه فانصحه ودعه وِشأنه ولاتصحبه مرة تانية
واتمني لك حياة جدية وموفقة في رعاية الله

سندريلا الحب

12-Mar-2007, 06:38 PM

هو اية ياااجماعة مااافيش غير الجنتل ولا اية اللى يجواب على على العموم شكرااااااااااا ليك
يااااجنتل على المشركة معانا ومع انى اتمنى من الجميع المشاركة..واتمنى انك تكون لاقيت الحل...
معانا ياااسلام

سندريلا الحب

12-Mar-2007, 06:57 PM

ونبدا انهاردة المشكلة اللى معانا ...ودى مشكلة جديدة من نوعة...وام هى اللى مرسلة الرسالة...
واتمنى من الجميع حلة وانقاذ ابنتة...من هذا الضياع ...وبتقوال فى رسالتة...

السلام عليكم ورحمة اللة وبركاتة...
ازيكوا يااااولادى...انا ام لبنت زيكوا فى السن صغيرة عندة 17 سنة امورة وزى العسل ...
شقية وطيبة انا وهى اصحاب وماااابتخبيش على حاجة حتى لما راحت الجامعة وحبيت ..جات وقالت
لى عمرة ماااااكدبت على ...لما بترسم تجى وتخود رايي ولما بتكتب شعر يتسمعنى كلامة
وبتقبل انى ادخل فى حياتة واختيار اصدقائة ..
بس اليومين دوال حسيت انة متغيرة ومااابقاتش تحكى معايا زى الاول ولا بتبقى فرحانة...
حتى الرسم والكتابة مااابقاتش تقرب منهم بقت عصبية بشكل مفزع رغم ان دة مش من طبعة...
تجاى من الجامعة على حجرتة..وتفضل قفلة على نفسة الباب..بقت تجلية تليفونات كتيرة...
ولما اسئلة من دوال تقوالى اصحابى بيكلمونى فية اية دة..مع انة كانت ديما تكلمنى اقدامهم.
لحد ماااجت مرة بليل متاخر قايمة اطمن علية سمعتة بتتكلم فى التليفون مع حد...
ماااكانش قصدى اسمع هى بتقوال اية عشان واثقة فية...بس سمعتة وهى بتتكلم مع واحد...
وبتمارس معاة الجنس فى التليفون...ساعتة انهارت ومااابقاتش عارفة اعمل اية ادخل علية..
واضربة ولا اسكت...وافهم منة فى اية ...وسكت وماااعرفتهاش حاجة..لحد ماااجت صحبتة..
وقالتى الحقى بنتك رايحة تقابل واحد وهتعمل معاة علاقة يوم الخميس الجاى...اتصدمت..
وسالتة طب لية بتعمل كدة ومين الانسان دة واية اللى غيرة...قالت لى انة هى واللى بتحبوا..
افترقوا عن بعض وخسرت اصحابة ...والانسان اللى بتكلموا فى التليفون دة فضل يجرى وراة..
ونفسوا يعرفة لحد ماااوقعة واتفقت معاة يوم الخميس يتقبلوا...وانا مش عارفة اعمل اية..ز
او امنعة ازاى وهى دماخة ناشفة ووالدة متوفى...وعمة صعب وماليش اخ يمنعة...
وان كنت اقدر امنعة يوم الخميس مااافى ايام كتيرة جاية اعمل اية...
انا احتارت وربنا يعلم وجيت اسالكوا علشان انتوا من سنة وممكن تفهموا هى بتعمل كدة لية؟
ارجوكوا ساعدونى وساعدو بنتى...

AbOzIeD

12-Mar-2007, 09:09 PM

بسم الله الرحمن الرحيم
أولا عليك بالاستعانه بالله
والتضرع لله والدعاء بالهدايه لإبنتك
ونحن ندعو لها جميعا ان يهديها الله
وعليك بسرد تلك القصه لها كتبها أح لنا فى المنتدى عن
استأذنت فتاة شابة أمها لتسمح لها بممارسة الفاحشة !! (فاحشة الزنا)
فما كان من الأم الواعيةإلا أن نصحتها لأن ما تريد الإقدام عليه أمر مشين اجتماعيا
ومحرم دينيا تعتبر صاحبته ساقطة مهما حازت من جمال ومال
إلا أن الفتاة أصرت على رأيها ....
يا ترى ماذا فعلت الأم
مع إصرارالفتاة .... وافقت الأم أن تسمح لابنتها بما تريد لكن بشروط
و هي أن تنجح في الإختبارات التي ستعدها لها الأم فإذا أنهت الإختبارات حتى النهاية
و بنجاح فلها الخيار فيما تريده ...
الإختبار الأول هو كما يلي
طلبت الأم من ابنتها أن تقف في الصباح أمام قصر السلطان
وعندما يخرج السلطان من القصر ويمر من أمامها فعليها أن ترمي بنفسها
على الأرض وكأن أغمي عليها ثم تنتظر ما سيحدث لها ...
وافقت الفتاة على طلب أمها يا ترى ما الذي حدث
ذهبت الفتاة صباح اليوم التالي ووقفت أمام القصر فلما مر السلطان أمامها
تظاهرت بالإعياء وسقطت على الأرض وفجأة أسرع السلطان إليها ورفعها من على الأرض
و أحاط بها الجميع من كل الجهات و باهتمام بالغ ... تظاهرت الفتاة وكأنها استعادت وعيها
وشكرت السلطان ثم انصرفت وذهبت مسرعة إلى أمها لتخبرها بأنها انهت
الإختبار الأول بنجاح فما هو الإختبار التالي ...
قالت لها أمها عليك أن تذهبي إلى نفس المكان يوم غد وتعيدي نفس الفعل عندما يمر السلطان
من أمامك فما كان من الفتاة إلا أن قامت بإعادة نفس المشهد قي اليوم التالي
لكن النتيجة كانت مختلفة ... هذه المرة لم يسرع إليها السلطان بل ذهب إليها الوزير
وأوقفها من على الأرض وأحاط من حولها بعض الحرس بينما السلطان مضى ولم يلتفت إليها !! ...
تظاهرت الفتاة وكأنها أفاقت من الإغماء وشكرت الوزير ثم ذهبت إلى أمها
لتخبرها بما حدث لها في الإختبار الثاني و سألت أمها عن الإختبار القادم
قالت الأم "عليك أن تعيدي نفس الإختبار وفي نفس المكان وفي نفس الوقت وعند مرور السلطان "
في اليوم التالي ذهبت الفتاة وأعادت نفس المشهد وعندما سقطت على الأرض تقدم قائد الحرس
وأزاحها من الطريق وتركها ولم يقـف إلى جانبها سوى القلة ثم تركوها ...
عادت الفتاة إلى أمها وأخبرتها بما حدث لكنها كانت في ضيق و حسرة نوعا ما ..
سألت أمها هل انتهى الإختبار فقالت الأم لا يا ابنتي أريد منك أن تعيدي نفس المشهد
على مدى الثلاثة الأيام القادمة من غير ما قد مضى وأخبريني في النهاية
عما سيحدث في اليوم الثالث وهو اليوم الأخير للإختبار !!!
فعلت الفتاة حسب ما قالت لها أمها وجاءت في اليوم الأخير إلى أمها وهي تبكي
لأن الإختبار ازداد صعوبة لأنها في اليوم الأخير لم يقترب منها أحد ليسعفها
بل سخر منها البعض و البعض أظهر الشماتة ومنهم من ركلها برجله ....
وفي هذه اللحظة قالت الأم الحكيمة لابنتها هكذا شأن الزنا في البداية
سيقصدك الوجيه والثري و الوسيم وبعد فترة من الزنا سينفر منك الجميع
بل سيسخرون منك ولن تعود لك كرامتك بل حتى أحقر الناس سوف يسخر منك
فهل تريدين أن تزني يا حبيبتي؟؟؟
استعادت الفتاة عقلها ووعيها وشكرت أمها الحكيمة وقالت لها شكرا لك أمي
على هذا الدرس والله لن أزني أبدا ولو أطبقت علي السماء و الأرض إنها المذلة والمهانة والحقارة
وهذه هي جريمة الزنى وفاحشة الزنى كالزجاج إذا انكسر صعب عودته إلى حاله
والعاقل من اعتبر بالحكمة والموعظة الحسنة والشقي من كان عبرة لغيره
لذلك لا يخدعكن أحد أيتها الفتيات بالزنا فهذا أول باب المذلة و أوسعه
من غير ما يصاب به الزناه من العلل و الأمراض وضيق الصدر ومحق البركة
وذهاب الوجاهة وإراقة ماء الوجه والفقر المزمن وهذه عقوبة الدنيا .... والآخرة أشد و أخزى
يرجى مشاركتكم بتبصير المراهقات من مخاطر الزنا بسبب غياب التوعية
وانشغال الآباء والأمهات بالمادة وسفاسف الأمور بناتنا بحاجة إلى توعية بإخلاص
بالكلمة الطيبة والنصيحة الهادفة
وقانا الله وإياكم من شرور انفسنا ,, وأغنانا بحلاله عن حرامه

وبعد ذلك عرفى إبنتك على الله أشعريها بالحنان
علميها الصلاه
علميها العفه
علميها الحياء
لا تتركيها فأنها لا تعلم بل غشى الشيطان على بصيرتها
ونحن ندعو الله ان يهديها ويعيد لها صوبها
وان يعينك عليها

algantel_M

13-Mar-2007, 01:09 PM

جزاك الله كل خير ياابوزيد وحلك ممتاز
لكن لي تعليق بسيط تربية حضرتك أكيد مفتقدة
انك تربيها علي دين الله وسنة الرسول صلي الله عليه وسلم
وعليك تمنعيها وحاولي تقربيها اليك ومن حضنك وتقربيها
الي الله سبحانة وتعالي وتدعي لها بالهداية وشوفي ايه أكتر حاجة
تاثر فيها واستخدمي هذا السلاح في تغيرها وتصبح بنت متدينة
تخاف الله سبحانة وتعالي ونصيحة أخري أسرعي في زواج
ابنتك من شاب صالح وادعي لها وان شاء الله ربنا يهديها

" اللهم اهدي كل أخ واخت مسلمين اليك ياارحم الرحمين "

سندريلا الحب

14-Mar-2007, 07:46 AM

شكرا ليكوا بس انا بزود على كلامكوا حاجات بسيطة...انا بقوالك يااامى بنتك بتمر بظروف صعبة
ولازم تكونى جانبة قربى منة واتكلمى معاة حتى ولو ماااكنتش عايزة مش لازم هى اللى تجاى وتتكلم
معاكى انا تقريبنا فى سنة وفاهمة ممكن تكون تجربة الحب دى ضيقتة وكسرتة شوية ومحتاجة بس
حد يسمعة ويفهمة ويتكلم معاة مش اكتر واااوعدك انك لواتكلمتى معاة هتحكى ليكى كل حاجة
حتى الغلط اللى كانت هتعملوا هتحكية ليكى..بس انتى بقى وفاهمك لبنتك...ضمية وقربى من ربنا
انت وهى...واتمنى ان ربنا يهدية ويرجعة ليكى سليمة...وتفرحى بية...

سندريلا الحب

14-Mar-2007, 08:09 AM

ونبدا انهاردة مشكلتنا الجديدة...ومعانا صديقنا وائل وبيقوال فى رسالتوا...
السلام عليكم ورحمة الله وبركاتة..
انا وائل سنى 23سنة كلية تجارة ومعايا وحدة زميلتى انا بحبة وهى بتحبنى بس هى عنادية جداااااا
ودماخة ناشفة وبتعمل تصرفات كتير غبية ووحشة وكل ماااحاوال اغيرة تزعل منى وتبعد عنى
ايام بتبقى رقيقة وبتسمع الكلام وبتبقى احلى بنت فى الدنيا...
وايام تانية بتبقى عصبية ومش فاهمة واااحنا متفقين على الخطوبة بس انا مش عارف,
ان كنت هاااقدر استمر معاة بالشكل دة ولا اية...مع انى والهى بحبة اوى..
بس مش عارف اغيرة مع انة بتقبل التغير بس مش عارف اوصل لية ازاى...
ممكن تساعدونى ولا مالهاش حل.......؟؟؟

algantel_M

14-Mar-2007, 02:19 PM

بصراحة بحبها ليك تقدر تغيرها وبحبك ليها تقدر تغيرها
يعني الحب متبادل يبقي من المفترض انكما تكونوا متفقين
والحل بسيط تقدر تأثر عليها بشخصيتك وأكيد الحب موجود
لكن الرجل رجل والمرأة مرأة ولازم تكون كلمة مسموعة
لان هذا سيأثر عليك بعد ذلك وهي لو بتحبك فعلا زي ماأنت بتقول
يبقي هي عمرها ماتزعلك ولا ترفض طلباتك
شكرا وجزاك الله كل خير وربنا يوفقكم وتتجوز

سندريلا الحب

16-Mar-2007, 09:49 PM

شكرا لردود اللى جات بس معقوالة يعنى ماااافيش حد عندوا استعادد يساعد حد كدة
اتمنى المشاركة فى المشكلة الجاية ..
وشكرا للمرة التانية لكل اللى شاركوا معانا..

AbOzIeD

16-Mar-2007, 10:56 PM

ان شايف ان التغير مش بيكون بالقوه او بفرض الرأي
لان القوه بتولد عناد
ياريت تبدأء من جديد وأستعين بالله
وحاول انك تفهمها بالسياسه
وتسعدها من خلال دعمك ليها
وربنا يوفقك

سندريلا الحب

17-Mar-2007, 12:55 PM

ونبدا انهاردة المشكلة الجديدة...ومعانا اختنا...ايمان بتقوال فى رسالتة..
السلام عليكم ورحمة الله وبركاتة..
انا ايمان عندى عشرين سنة كنت بحب واحد وهو بيحبنى..بس انا اتخطبت بس غصب عنى...
انا والدى ميت ومامتى ست كبيرة والمتحكم فى بيتنا عمى وغصبنى على الخطوبة دى..
ولما رفض وعرف بحبى لية حبيبى دة..حلف انوا هااايبعت ناس يضربوا حبيبى ويفصلوة من
الشغل والكلية...فوافقت وبعد عنوا غصبنا عنى..واقنعتوا انى كنت بلعب بية وانى مش
بحبوا وكان مجرد تسلية القصة اللى بينا..بس والهى ابدااااا..المهم عدت تلات سنين وانا باااجل
جوازى بخطيبى دة..على امل انى افسخ الجوازة والحمد لله اقنعت عمى بكدة واتفسخت..
المشكلة دلوقتى ان حبيبى دة عرفت انوا عرف واحدة غيرى..وبيقوالوا انوا بيحبة..
بس اختوا بتاكد لى انوا لسة بيحبنى انا...وعمروا ماااقدر ينسانى..
وانا مش عارفة اروح لية واحكى الحكاية كلة...ولا اسيبوا يكمل حياتوا من غيرى..يمكن يكون
حابة بجد..ولاعمل اية ساعدونى ربنا يخليكوا....

algantel_M

17-Mar-2007, 03:43 PM

من حقه حبه لغيرك فما هو ذنب حبيبته الأخري
أنت تركتيه وهو اختار طريق تاني بعد مافقد فيك الأمل
فالأفضل انك تدوري علي حب جديد يستحق حبك
ولكن اتركيه يعيش حياته التي اختارها
وبالتوفيق

سندريلا الحب

20-Mar-2007, 07:10 PM

انا شايفة ان الجنتل هو بس اللى عندوا استعداد لحل ..
المشاكل ..اية ياااجماعة انتوا لدرجة دى ماااعندكوش حب التعاون.
والخير لاى حد ولا اية..

سندريلا الحب

20-Mar-2007, 07:24 PM

ونبدا انهاردة المشكلة الجديدة..ومعانا صديقنا..
مؤنس بيقوال..
السلام عليكم ورحمة الله وبركاتة..
انا مؤنس طالب بكلية هندسة مدلع جدااااااا جداااااااا فوق الحدود كل حاجة بطلبة بتتنفذ بدون مناقشة..
والدى متوفى ومامتى هى اللى قايمة على تربيتى..
مش سامحة لى انى احلم او اتعب نفسى فى تحقيق احلامى..
حاسس انى سلبى جداا وهى لاغية شخصيتى نهائى..
حتى لما حبيت ادخلت فى اختيارى لحبيبتى وكنت لما ازعل اوتحصل بينا مشكلة ..
كانت تتدخل بينا وتحلة..بتكلم حتى مع اصحابى نيابة عنى ..
وكانى مش موجود..مش عارف احلم ..مش عارف افكر...مش عارف احب..
مش عارف اتكلم مع اصحابى..مش عارف ابنى شخصية مستقلة..
ولاعارف حتى اتلكم معاة واقوالة كل الكلام دة ..لانة امى وممكن تزعل من الكلام..
وتفكر انى مش عايزة فى حياتى,,,
فاااعمل اية ساعدونى...

algantel_M

20-Mar-2007, 08:11 PM

ولاعارف حتى اتلكم معاة واقوالة كل الكلام دة ..لانة امى وممكن تزعل من الكلام..
وتفكر انى مش عايزة فى حياتى,,,

بالعكس أنت لازم تقلوها انك عايز تبني شخصيتك بايدك وهي بكدا
هتحس انك بقيت راجل بجد تقدر تعتمد علي نفسك اقنعه انك محتاج
انك تعتمد علي نفسك وزي ماهي بتحاول تحقق ليك اللي أنت عايزه
فأنت حاسسه انك محتاج انك تحقق كل ئي بايدك مش بمساعدتها
وبالتوفيق اليك

سندريلا الحب

23-Mar-2007, 07:01 PM

ونبدا انهاردة المشكلة الجديدة..

hanaa

23-Mar-2007, 07:18 PM

جزاكي الله كل خير على الموضوع يا سندريلا جميل جدا على فكرة انا كنت بحاول اشارك ديما لكن كنت بلاقي الموضوع مغلق مش عارفة السبب
المهم هي في مشكلة النهردى انا مش شايفة حاجة

سندريلا الحب

23-Mar-2007, 08:03 PM

ونبدا انهاردة المشكلة الجديدة..
ومعانا صديق مش عايز يقوال اسموا..بيقوال فى رسالتوا..
السلام عليكم ورحمة الله وبركات..
مش مهم تعرفوا اسمى.المهم تسمعونى وتساعدونى..
انا شاب26 سنة كنت بحب وحدة وهى بتحبنى من صغرنا واحنا بنحب بعض.
ومتفقين على الجواز بس لما بنحلم واحنا صغيرين ماابيتحققش لما بنكبر..كانت جميلة اوى..
وكان بيجى لية عرسان كتيرة اوى كانت بترفض علشانى..بس انا كان لسة قدامى كتير اوى عشان اخطبة..
ومرة جية لية عريس واهلة صمموا انهم هيوفقوا على العريس وجات لى تخود رايى..
بس انا خاليتة توافق علية عشان ماااظلمهاش معايا وافقت .ويوم خطوبتة المفاجاة انة اتخطبت لابن عمى
وهو يعتبر اخويا الكبير اتصدمت وبعد عن البلد وسافرت برة وكنت بعرف اخبارة وانا بعيد
كنت بسمع انة مش سعيدة فى حياتة ورجعت من السفر..وانا لسة بفكر فية ومش قادر احط حد مكانة
عزمنى ابنى عمى عندهم فى البيت وافقت وروحت قابلتة وهى شافتنى سلمت علية..
وانا نفسى اقوالة وحشتنى..سافر جوزة وكان فية فرح جانبهم شافتنى وناديتنى بحجة ان الباب مقفوال
ومش عارفة تفتحوا روحت لية وفتحت الباب وجيت امشى شديتنى لجوا البيت وحصل اللى حصل..
وبعد عنة اسبوع من غير مااانتكلم فضلت الوم نفسى..وضميرى يعذبنى .بس فى نفس الوقت.
فرحان انى لمستة .. بس اخد على نفس انى مش هااكلمة وانى هااابعد عنى..
وطلب من ربنا يغفر لى..بس رجعت تتصل بى وتقنعنى وانا لسة بحبة وهى كمان..
بموت فية ومش قادر استغنى عنى فى الاول رفض بس عرفت تااثر على.,.
واتفقت اقابلة الاسبوع الجاى عندة فى البيت..
بس انا مش عارف ..اعمل اية لااقادر اقاوم جمالة وحبة,,
وقادر ارفض واخسر اللى حلمت بية..
انا عارف انوا حارم وانى خونت امانة ابن عمى وعاصى لربنا..
بس مش عارف اتغلب على شيطانى ..وارفض
انى اقابلة وانى رفض انهاردة وبكرة بعد كدة هااعمل اية..
وهى ممكن تقوال لاابن عمى وتوقع العيلة فى بعضة..
اعمل اية ..من غير ماااتقطمونى ..ساااعدونى..

سندريلا الحب

23-Mar-2007, 08:05 PM

algantel_M

24-Mar-2007, 05:03 PM

للاسف أخي الكريم أنت مشكلتك ليه حل واحد
هو الله سبحانه وتعالي انك ترجع ليه
وكما تدين تدان ليس الجمال وحب البشر يبقي
لأحد فعندما تموت ستكون أنت وعملك في القبر لن ينفعك أحد
فهذه المرأة أصبحت محرمه عليك وهي مرأة أخيك وتفعله معها ذلك
فما بالك ان كانت مرأة أحد لا يمسك بصلة قرابة اتقي الله
وخاف يوم الحساب وتجنبها وابعد عنها ومهما تحاول
تطلب منك وتخدعك بكلام معسول فابعد عنها فالمرأة استاذة الشيطان
اذا كان لا أحد يراك فاعلم أن الله يراك فكل لحظة وحين
أعلم أنك ستتزوج يوم من الأيام فحاول أن تخاف من الذي تفعله
في هؤلاء الناس خاف أن يفعل بيك بعد ذلك
توب الي الله وخايف يوم ستكون لوحدك والزنا من الكبائر
وهذه المرأة يلعنها الله سبحانه وتعالي وتلعنها الملائكة
نحن لن ننفعك ولن يفيدك أحد ولكن الذي ينفعك ويفيدك
هو الله سبحانه وتعالي
خاف من الله .. خاف من الله .. خاف من الله
سامحكم الله اختار الله ولا تختار الكفر والعصيان
وشكرا

hanaa

24-Mar-2007, 07:47 PM

ميرسى ليكى يااهناء وسورى النت كان فصل وانا بكتب المشكلة..
كان الموضوع مغلق ..ونسيت افتحوا..
واتمنى انى الاعضاء يساعدوا الانسان دة..
وشكرا لمرورك
وتعليقك..والف مبروك ليكى على الاشراف..
الله يبارك فيك اخت سندريلا جزاك الله كل خير على ردك الجميل وشكرا لك على الموضوع تمنياتي لكي بالتوفيق

hanaa

24-Mar-2007, 08:20 PM

اذا كان لا أحد يراك فاعلم أن الله يراك فكل لحظة وحين
أعلم أنك ستتزوج يوم من الأيام فحاول أن تخاف من الذي تفعله
في هؤلاء الناس خاف أن يفعل بيك بعد ذلك
توب الي الله وخايف يوم ستكون لوحدك والزنا من الكبائر

خاف من الله .. خاف من الله .. خاف من الله

اخي الكريم كما قال الاخ جنتل تذكر ان الله يراك وانه سياتي يوم لن ينفعك فيه احد ارجع الى الله سبحانه وتعالى اقرا القران كثير واسال الله ان يبعد عنك الفتنة
اما اذا كانت هي مصرة على الا تصال بيك واغرائك فحاول ان تقطع اي وسيلة اتصال بينك وبنها لو كان على الموبايل مثلا غير الرقم عشان هي متعرفش تتصل بيك او اي وسيلة تانية المهم حاول متسمعهاش نهائي وتذكر اخي ان الموت قريب منا ومنك جدا فلا احد يعرف متى واين يموت تخيل نفسك لو اجلك انتهى ومت عندها فكر هتقابل ربك ازاي او ممكن تتعب تعب جامد وبكدى الموضوع يينكشف ربنا سبحانه لو ستر عليك مرة واثنين وتلاثة اكيد حيجي يوم وتنكشف وايه الي حتسببه لابن عمك لو عرف والماساة الي ممكن تحصل وتذكر ان متل هذه العلاقات المحرمة دائما دائما تنتهي بماساة
اقعد مع نفسك حط قدامك كل الي ممكن يحصل واعلم ان الله على كل شيء قدير وان كل الي قلته ممكن يحصل لان حصل فعلا في علاقات مشابهة
اسال الله تعالى ان يهديك الى الطريق المستقيم ويبعد عنك كل شر

سندريلا الحب

27-Mar-2007, 07:43 AM

ونبدا انهاردة المشكلة الجديدة..
ومعانا..اب بيحكى حكاية ابنوا وبيقوال..
السلام عليكم ورحمة اللة وبركاتة..
انا با لوالدين وبنت وعندى ابن الوسط متعب جداااا وعندى لطريقة كبيرة اوى..
بس طيب وحنين..وبصراحة انا كنت ديماااا بظلموا وبفضل اخوتوا علية...
كنت بحرموا من حاجات كتيرة لشقاوتوا دى..وكبر ودخل الجامعة...كان نفسوا يدخل..
فنون جميلة لانوا بيحب الرسم جدا وانا رفض ..ودخلتوا حقوق غصب عنوا...
اول سنتين جاب تقدير كويس لكن فى سنة تلتة شال مادة وبيعيد السنة دى..
المشكلة دلوقتى انوا ملموم على شلة تعبانة عيال مالهاش اهل..
علموة يشرب ويهمل فى دراستوا...اتغير وبقى عصبى وماااابقاش يحترمنى..
وفى مرة رجع لى البيت الساعة 5 الصبح بسالواكنت فين..شتمنى ..
وقالى كلام كتير حاسسنى قداية كنت ظالموا طرتوا برة البيت...
ومن يومة مااارجعش البيت ..انا عارف انى غلط فى حقو كتير,,
وانا اللى وصلتوا للحالة دى..بس عايز ارجعوا البيت..وعايز اتكلم معاة..
انا عارف مكانوا بس مش عارف اتصرف معاة ازاى..
ممكن تساعدونى ..لانكم من سنوا وتقدروا تفهموا اللى جواة..

البرنس احمد

27-Mar-2007, 09:55 AM

اللى فهمتوا من الاكلام ان ابوة ظلمه كتير ودة وضع فاصل بين الولد وابوة كبير محدش يقدر يشيل الفاصل دة الا لاب لازم الام يتكلم معاه ويحاول يكون صديق له قبل ما يكون والد ويحاول يشوف مشاكله ويحاول حلها وطبعا الوالد ميقدرش يحرمه من الدراسه عشان ميضيعش مستقبله والفكرة الاحسن ان نكلمه عن اخطاء تصرفاته وان اصدقائق اصدقاء سوء ويحاول يتجنبهم واكيد الولد لما يلاقى والدة بيدور على مصلحته وكانه صديق هيحن لكلامه ويفهم انه على صح واكيد الامور هتتحسن ان شاء الله

shary

27-Mar-2007, 12:23 PM

بصراحه يا احمد رائيك جميل اوى ومو ضوعى لانه بجد حل المشكله دى فى ايد والده مش حد تانى .........

algantel_M

28-Mar-2007, 07:55 AM

هذا شئ طبيعي اختلاف الأباء والأبنا لأن شاب في مرحلة الشباب يريد أن يكون رأيه
مسموع فلذلك والده يجب أن يضع كل كلمة يقولها هذا الشاب محل اهتمام ويبدأ يتكلم
ويحاول يفهم هو عايز ايه وبيدور علي ايه اللي افتقده ووالده يقدر يعوضه بيه يحاول
يساعده ان هو يكمل دراسته يحاول يبعدوه عن أصدقاء السوء خطوة خطوة ويبدأ
الوالد يعوضه عن كل شئ هو افتقده في الصغر لأن من دور الوالد انه يكون عادل بين
الأبناء فهذا أكبر خطأ فعله الوالد علي ان شاء الله خير توكل علي الله وادعوا له بالهداية
وان شاء الله سيعود كما تريد وتتمني

مريم

28-Mar-2007, 08:32 AM

رائيك جميل يا جنتل وبصراحه دى مشكله عامه بين كل الاباء وابنا ئهم

سندريلا الحب

30-Mar-2007, 07:32 PM

شكرااااا لكل اللى حاول يساعد صديقنا فى حل مشكلتوا..
وشكرا لكل اللى شارك معانا..

سندريلا الحب

30-Mar-2007, 07:58 PM

ونبدا انهاردة المشكلة الجديدة..
انا محمد ابراهيم سنى 20 سنة..تالت حقوق..كنت فى ثانوى طيب وهادى ومش من طبعى اغلط فحد
عمرى ماااصوتى اترفع على حد بيت وانا فى تالت حبيت وحدة عندنا وروحت اكلمة قالت لى انة بتحبنى وفضلنا مع بعض ولااخر السنة جات اقدام المدرسة كلة وقالت لى انة كانت بتتسلى وان كل دة
لعب عيال اتضايقت وعدت الموضوع بس زميلى فى المدرسة كانوا بيضايقونى ويشتمونى وخارجونى عن حالتى الطبعية ..وجاية يوم زاد فيه مضايقتهم لى..خالونى اجرى وراهم واضربهم
المدرس جاية ماسكنى وجاب والى امرى وجاية ابويا ولمستشفى الامراض العقلية
ودكتور نفسى واعتبرنى مجنون بدل ماااايسالنى..انت مالك او اية اللى وصلك لكدة..
وبدات اتعالج عند الدكتور رغم انى مش تعبان...وبقيت انا والدكتور اصحاب حسيت انوا افضل من
ابويااا عشان بيسمعنى..المهم نجحت فى الثانوية وروحت الجامعة اول سنة عديت..
والتانية اتلمت على شلة كلة فشلة بيشربوا ويحششوا وكدة وبقيت زيهم وكل ماااقوال لاابويا دماخى بتوجعنى يودنى لدكتور وعايزن الصراحة انا شربت عندنا فى ابويا..
عشان يحس انى بضيع ومحتاج لية شلت 3 مواد فى تانية وعدت تانية ..وبرطوا شلت مادتين وبعيدة
برطوا السنة دى..بس مشكلتى دلوقتى انى بقيت مدمن مخدرات..وانا مش عايز افضل ضايع كدة..
بس كل اللى حوالى فى البيت واهلى وعمى وخالى حتى ولاد عمامى وخالنى ...
بيقوالوا على مجنون واهبل وبتاع مخدرات ومش لاقى حد يساعدنى..
ولا يوقف جانبى ولاصديق حتى..اعمل اية..
ساعدونى بجد عايز اتوب وابطل شرب مخدرات واشوف مستقبلى,.
وابقى انسان عادى اعمل اية..

algantel_M

08-Apr-2007, 08:02 AM

لا تبالي بكلمة مجنون التي يقولوها ولكن أهم شئ انك الأول تبعد
عن ماهو يغضبك ازاي أنت زعلان وأنت مزعل ربنا منك ازاي
عايز الناس ترضي عنك وأنت لم ترضي الله سبحانه وتعالي
نصيحه ياأخي الكريم ارجع لربنا سيبك من اللي أنت بتعمله ده
حاول تقرب من ربنا وادعيه وصدقني هو اللي يقدر يحبب فيك الناس
ويقدر يخليهم يحترموك هذا رأي المتواضع أتمني أن يفيد
وربنا يهديك الي طريق الصواب ان شاء الله

hanaa

08-Apr-2007, 10:20 PM

السلام عليكم
اول حاجة لازم تعملها يا اخ محمد هو انك تلجا لربنا سبحانه وتعالى وتبعد عن كل حاجة تغضب ربنا عشان يرضى عنك وبكدى ممكن تكسب حب الناس ليك من جديد ولو كان صعب انك تبعد عن المخدراتمن نفسك فانا بنصحك بانك تلجا لاحدى مؤسسات معالجة الادمان ودى مش عيب العيب اننا نستمر في الغلط وكلامك في الرسالة يدل على انك انسان كويس وعايز تصلح حياتك ودى كويس جدا واكيد ربنا هيوفقك
ربنا يهديك ويوفقك لكل خير واتمنى اكون افادتك بحاجة

سندريلا الحب

09-Apr-2007, 03:35 PM

شكراااااااااا ليكى ياااهنا ...
وميرسى لمرورك..

سندريلا الحب

09-Apr-2007, 03:36 PM

شكراااااا ليك ياااجنتل..
وميرسى لمرورك..

سندريلا الحب

13-Apr-2007, 08:23 PM

انا ميادة عندى 19 عايشة مع امى ووالدى متجوز وعايش مع الست التانية
انا وامى واخويا متفاهمين جدااااااا وامى عرفت تربينا ويعتبر انا ووالدى شبة منفصلين
عن بعض لانى من وانا صغيرة سايبنى ومااابشفوش الىصدفة كل
شهر لما بيكون جايب لينا مصروف البيت ...المهم انا بحب واحد هو
اكبر منى وجارنا وانسان محترم جدااااا وبيحبينى ودخل البيت من بابوا
..بس والدى صعب جداااااا وهو عايز يجوزنى ابن الست اللى هو متجوزة دى .
.وانا خايفة انا وامى نقوالوا يمنعنى من الكلية ويمنع عنى انا واخويا الفلوس
واللى بيحبينى دة عارف كل حاجة واهلوا كمان ...انا مش عارفة انا وهو نعمل اية..
اروح لوالدى واقوالوا ..ولا ابعد عن اللى بحبودة ارضى بحكم والدى
..ولا نتجوز من وراة ولا اعمل اية
...ممكن تساعدونى..

algantel_M

16-Apr-2007, 08:01 PM

بصراحة أنت مشكلتك صعبة جدا وربنا يهدي والدك
حاولي تقنعيه ازاي يحرمكوا من عطفه طول المده دي
وعايز يحرمك من سعادتك أيضا ................
لكن أنت وافقي علي اللي أنت بتحبيه ولا تبالي باختياره وحاولي
تأثري علي والدك بحاجة بيضعف أمامها حاولي تعرفيه انه بعد
عنكم وحرمك من حقك ليكم عليه حاولي تحسيسيه انه يعمل ليكي
حاجة ترضي لو جزء بسيط من اللي عدي من حياتك من غيره

هذا رأي كنت أتمني أن أفيد أكثر من ذلك

abog@bel

07-May-2007, 11:08 PM

انا عايز اقولك على حاجة يا ميادة انتى جايز تكونى اكبر منى يعنى زى اختى بالظبط فانا اللى عايز اقولو ابسط حاجة انا فكرت فيها لما شفت مشكلتلك هل انتى لو اتجوزتى الانسان اللى بابكى اختاورا هتبقى سعيدة
بالعكس هتبقى تعيسة بقيت حياتك فانتى لازم وتقفى وبكل قوتك وتدافعى عن الانسان اللى انتى حاسة فعلن
ان حياتك معاه اسعد ثانيا انا عايزك تحسسى بابكى ان انتى مش صغيرة اشتغلى اعملى اى حاجة تفيدى بيها نفسك وتفيدى بيها المجتمع حاولى تتحقى اللى هوا مقدرش يحققوا لاخواتك وضدقينى هيحس فى يوم من الايام انو مقعدش مع بنتوا وسمعها واكلم معاها ويا رب اكون فدتك ولو بالقليل
ويا ريت يا سندريلا الحب انا عندى مشكلة وعايز اعرضها اعمل او ابعتها ازاى
وسلامى الى كل الاعضاء والى المشرفين والمشرف العام وعلى فكرة الموضوع دة جامد بجد وفى مجهود كبير من المشرفين والاخ ابو زيد والمشرف العام اللى انا زعلان منه ههههه بس برضة هبعتله احلى سلام وسلامى الى كل المنتدى

abog@bel

14-May-2007, 12:45 AM

ايه يا جماعة معتش فى حد بيعرض مشاكل ليه وانا عايز اعرض مشكلتى ؟!؟!؟!؟!

abog@bel

23-May-2007, 08:17 PM

ها مستنى حد يقولى اعرض مشكلتى ؟؟؟؟؟؟؟؟؟؟؟؟؟؟؟!!!!!!!!!!!!!

سندريلا الحب

30-May-2007, 09:54 PM

اعرض مشكلتك..
واحنا ربنا يقدرنا ونحلها ليك,,

hanaa

30-May-2007, 09:58 PM

السلام عليكم
اهلا عزيزتي سندريلا وحشتنا جدااتمنى انك تكوني بخير
تمنياتي لكي بالتوفيق وياريت متغبيش علينا كثير مرة تانية
وفقكي الله الى ما يحب ويرضى ودمتي بخير وسعادة

abog@bel

31-May-2007, 06:59 AM

مشكلتى بسيطة اوى اوى او هيا ممكن نقول كدة معدتش مشكلتى لوحدى بقت مشكلة كل الناس
كان حلمى ان انا الاقيها ولما لقيتها بقت انسانة تانية جرحتنى وانا مكنتش اتصور ان هيا تعمل كدة فيا
لما كنت بسمع منها كلمة بحبك كنت ببقى حاسس ان انا ملكت العالم كنت حاسس ان هيا لو طلبت حياتى افديها بيها بس يا ريتها كانت طلبت حياتى دى طلبت اصعب شىء عليا انى انساها ازا كانت هيا قدرت تنسى
فدة اكيد لان هييا اللى جرحت وانا اللى انجرحت ................... كله قالى هيا باعتك بيعها بقى ومع ذلك تصدقوا ان انا لسة بتمنى ترجع تانى مع كل اللى قالتهولى كنت بحاول المستحيل معاها ان انا اخليها ترجع ليا بتمنى لو قالتلى ان كل الكلام اللى قولتهولك مش صح بالكلمة دى هنسى كل اللى فات ونبتدى من جديد وحتى ازا كانت هتسبينى كانت تلاقى سبب اهون من اللى قالتوا اللى قالتوا كلام صعب ان اى انسان عادى يستحملوا ....... فضلتها حتى على نفسى كنت بحلم معاها بحاجات كتير وكنت بحلم احققلها حاجات كتير وبقول يا ريت لو اعرف ارجع بالزمن و احاول اصلح كل حاجة وكنت بتوجع الف مرة لم افتكر كلمة انسانى وهيا بتقولها بكل بساطة كل اللى عاوز اقوله ليها يا ريت لو كنتى عايزة تجرحينى مكنش يبقى كدة مكنش يبقى بالقسوة دى مكنش يبقى كدة ..................................................
وقبل ان اشكوا الى اى احد انا اشكو الى ربى وهوا اعلم اننى لم اؤذى احد ولم اجرح احد يوما ما ولم افكر فى ذلك قط وادعوا الله ان يسامحها وان يهديها بالرغم من كل ما فعلت بى ................

سندريلا الحب

16-Jun-2007, 08:38 PM

نشكر كل اللى شارك معانا فى البرنامج بتعليق..
او بمساعدة احد ومحاولة حل المشاكل معانا..
واسفة على تاخيرى كل دة بس كان عندى امتحانات وظروف ماقدرتش اكمل البرنامج..
بس الحمد لله رجعت عشان اكون معاكوا وتساعدونى فى حل المشاكل من جديد..

سندريلا الحب

16-Jun-2007, 08:49 PM

ونبدا انهاردة حقلة جديدة من نحن المستمعون بعد غياب
نعود ومعانا مشكلة جديدة تستحق الاستماع ومحاولة مساعدة صاحبة؟..
وبتقوال معانا.
السلام عليكم ورحمة الله وبركاتة..
انا مدام منى .ابلغ من العمر 30سنة تزوجت من ثلاث سنوات.
وحاليا مطلقة..ومعى ولد..كنت لااحب زوجى وتزوجنا زوج صالونات..
كان اكبر منى ب15سنة كنت اشعر انى اعيش مع ابى او اخى الاكبر وليس زوجى.
كان كثير السفر الى الخارج.وكان بجورنا شاب فى الجامعة تالتة طب ..كان نظرتة ملفتة
كلما ذهبت او اتيت يراقب تحركاتى فانشغلت به وصرت اقف امامة ..نتحدث ونتكلم كل يوم فى الهاتف.
واحيانا فى البالكونة..واتى يوما ولم يتصل بى او يخرج الى البالكونة فقلقت علية وذهبت الية .
فكان مريض ويسكن وحدة .فجلست بجانبة ادوية.وعشت معة كانة زوجى ..
اعطيتة مالى وخسرت سمعتى لااجلة..وقفت بجانبة ليكمل تعليمة..
وخسرت زوجى من اجلة..وكان جزاءى انه ابتعد عنى واحب غيرى.
اعلم انى اخطاءت فى حبى له فاانا اكبر منه ولكنة لم يشعرنى بذللك..
وانا كنت اعامله وكانه حبيبى وزوجى وكل شى لدى..
والان لااعلم كيف ابتعد عنة وانساة..كيف اكف عن حبى له.
كلما ابتعدت عنه يعود الى يطلب منى المال ليس اكثر..
وانا اعطية له اريد ان لااعلم ان كنت اريد حقا الابتعاد عنه..
اما اريد ان اظل بقربة حتى ولو لم يكن يحبنى..
واذا ابتعد عنه كيف ساعيش حياتى من بعدة بعدما خسرت كل شى لااجلة.
التفكير والجنون وحبى لها يسيطر على ولااعلم ماذا افعل.
فهل تساعدونى..ارجوك..