انت تسأل...والطب يجيب..

[طبيبة مسلمة]

اعزائي افراد عائلة التحدي الجميلة :)

يسعدني ان اخصص هذا الموضوع لاي حد عنده اي سؤال فيما يتعلق بالصحة والامراض المختلفة..وان شاء الله احاول اساعد في الاجابة عليه..

في انتظار اسألتكم..
وربنا يديم عليكم الصحة والعافية دايما باذن الله:)

[GOALONE]

:o سؤالي بيقول ::)

ساعات كتيرة أشعر بتعب وإرهاق في عيني ، وكل ده ليه تأثير على رأسي فأفقد القدرة على التركيز

وأشعر بارتجاج في رأسى ، ومع ذلك لا أستطيع تغميض عيني ، ولا أستطيع النوم إلا بعد فترة ، أصارع

فيها الألم ، ثم بعد النوم أشعر بالراحة ، مع العلم أن نظري ضعيف وأرتدي نظارة ، ولكن لا ألبسها إلا

عندما يحدث هذا الموقف ، وبعد ذلك أرجع أخلعها لأني لم أتعود عليها .

:) :o

[ABOREWAN]

النظر الضعيف


وبعدين يا خالد بلاش تخلع النظارة

واكيد انت بتجلس امام التليفزيون والكمبيوتر مده طويلة
انصحك بعدم خلع النظارة
وكمان بلاش كمبيوتر وتليفزيون على طول


وكمان لازم تروح لدكتور عيون يغيرك النظارة


وشكرا

[hany mhany]

نصيحه منى يا خالد الا تخلع النظاره طالما نظرك ضعيف ولما هتلبسها هتتعود عليها واعرض نفسك على دكتور وهو يقولك الصح .
والف سلامه عليك من اى تعب

[GOALONE]

شكراً جزيلاً إخواني ، وأعزكم الله ، وجعل هذه الاستشارة الطبية في ميزان حسناتكم جميعا ً وأخص

بالشكر الدكتور محمد عطية والمهندس هاني مهني ، وسأقوم بارتداء النظارة عما قريب ، وسأذهب إلى

دكتور العيون بلإذن الله .

[طبيبة مسلمة]

فعلا كما قال لك الاخوة مادمت لا ترتدي نظارتك فان ضعف النظر سيسبب لك الاعراض التي ذكرتها

[GOALONE]

شكراً أختنا العزيزة وجعل هذا كله في ميزان حسناتك يوم القيامة .

[algantel_M]

أهلا طبيبة مسلمة
أنا أريد استشارة طبية
أولا : سقوط شعري ؟ وأريد حل أو دواء لهذا الأمر ؟
ثانيا : حبوب في وجهي تظهر بكثرة خاصة بعد الحلاقة ؟

انتظر الاجابة وجزاكي الله كل خير

[طبيبة مسلمة]

اهلا بك اخي algantel_m
بالنسبة للحبوب التي في وجهك اليك هذه النصائح وان شاء الله تفيدك:

طرق طبيعية:

- لا توجد نصيحة معينة بالنسبة لتجنب أنواع معينة من الأكل حيث أنها لم تُثبت جدواها, بإستثناء تجنب المأكولات التي تحتوي على كمية عالية من اليود Iodine.

2- غسل الوجه, على الأقل مرتين يومياً, بالماء الفاتر و صابون خفيف أو بدائل الصابون اللطيفة و الخفيفة على الجلد و تجنب المستحضرات المُقشرة الشديدة و التي تنشف الجلد أو يقال بأنها تقتل البكتيريا! , حيث أنه لا توجد حاجة لها.

- تجنب دعك البثور بشدة أو تقشيرها.

-اذا اردت استخدام كريمات لوجهك يجب ان تكون خاصة بالبشرة الدهنية حيث تكون نسبة الدهون فيها قليلة جدا فلا تسد مسام البشرة او تزيد الحبوب.


- غسول البقدونس يتكون من حزمة بقدونس مغسوله تغمر بثلاثة أكواب من الماء المغلي ثم تصفى وتوضع في الثلاجة وتستخدم كمادات دافئة للبشرة الدهنيه مرتين يوميا لمدة شهر .

- غسول البابونج يتكون من نصف كوب من زهر البابونج وكوبين من الماء المغلي يخلط ثم يصفى ويحفظ في الثلاجة وتدهن به البشرة ثلاث مرات يوميا .

- غسول الجرجير تخلط حزمة جرجير بالخلاط ثم تصفى ويدهن به الوجه عدة مرات.

- غسول الليمون عصير نصف ليمونه مع قليل من ماء الورد ويدهن به الوجه ويترك نصف ساعه ثم يغسل اذ يعتبر الليمون مادة قابضه ومطهره للجراثيم

-يستخدم الخس لعلاج حب الشباب كقناع حيث يعمل هذا القناع بالطريقة التالية :تؤخذ بعض أوراق الخس الخضراء الطازجة، ويفضل لذلك الخس الرومي أو الافرنجي، ثم يضاف إليه قليل من الحليب قليل الدسم أو المنزوع القشدة. يغلى ورق الخس مع الحليب على نار هادئة لمدة دقيقة ويقطع ورق الخس إلى أربعة أقسام. تؤخذ أوراق الخس المقطعة من الحليب وتوضع على الوجه أو مكان حب الشباب وهي دافئة ككمادات. يراعى ان يكون المريض مستلقياً على ظهره ووجهه لأعلى وليس مائلاً ثم تثبت الكمادات على الوجه لمدة 20إلى 30دقيقة ، ثم تزال ثم يغسل الوجه أو المكان المصاب بماء فاتر دون استخدام الصابون لكي تستفيد بشرة الوجه من زيت الخس الناتج من الغلي وبقايا اللبن الموجودة على الوجه.

الحبة السوداء + قشر الرمان + خل

قشر الرمان فهو قشر ثمار الرمان وليس قشر الجذور كما يعتقد بعض الناس. تستعمل خلطة من هذه المواد لعلاج حب الشباب وذلك يأخذ كميات متساوية من الحبة السوداء وقشر الرمان ثم يمزج سوياً في مطحنة لكي يتكون مسحوق من هاتين المادتين ثم يوضعان في كوب ماء ويضاف له ملعقة كبيرة من الخل ويوضع هذا الخليط على النار حتى يسخن وتدهن بهذا المزيج حبوب الشباب دعكاً خفيفاً ثم يغسل بماء بارد بعد ساعة وتكرر العملية يومياً ولمدة شهر حتى تزول الحبوب بإذن الله .

- يخلط نصف كأس حبة سوداء مطحونة مع نصف كأس زيت زيتون ويدهن به الوجه ليلا والنتائج مضمونة بأذن الله.

-العسل مع الليمون والجلسرين :
يستخدم خليط مكون من 6 ملاعق كبيرة عسل وملعقة كبيرة جليسرين وملعقة عصير ليمون ويدهن الوجه والجلد المصاب بالبقع بهذا المزيج ولمدة ساعة ثم يزال ويغسل بالماء فيتم الشفاء بإذن الله .

-خميرة البيرة YEAST
تناول ما مقداره ملعقة صغيرة من خميرة البيرة مذابة في كوب ماء بواقع مرة واحدة بعد كل وجبة غذائية وخميرة البيرة تحتوي على مجموعة فيتامين ب والتي لها تأثير جيد في علاج حب الشباب .


الطرق دي انت ممكن تجرب اي حاجة منها ولكن الاهم هو الاستمرار عليها, يعني مينفعش تستخدمها مرة او اتنين وبعدين توقف..يجب المداومة حتى يظهر التأثير.


الادوية:

طبعا الادوية دي انا كاتبالك عنها عشان تعرف انواعها وبتشتغل ازاي ..لكن مينفعش تشتريها من نفسك وتستخدمها..لازم تروح لطبيب جلدية يشوفك وهو يحددلك اي من هذه الادوية تصلح لك


1- بنزويل بيروكسايد Benzoyl Peroxide , مادة قاتلة للميكروبات و فعالة ضد البكتيريا المسببة للإلتهاب في حب الشباب. و هو متوفر في تركيزات مختلفة (2.5%-5%-10%) و على شكل مرهم أو كريم أو جل أو صابون. و يفضل استخدامه مع المراهم التي تحوي على مستخلصات فيتامين أ Retinoids و التي تزيل الطبقة القرنية Keratolytic على البثور لتسهيل عملها. هذه المادة ممكن أن تسبب تهيج الجلد فلأفضل اختبارها على جلد اليد قبل وضعها على الوجه.

2- المضادات الحيوية الموضعية Topical Antibiotics, و التي أثبتت فاعليتها ضد البكتيريا و كذلك في تخفيف الإلتهاب الموجود و تستخدم لحب الشباب ذو البثور القيحية. و المضادات المستخدمة هي ايروثرومايسين Erythromycin 1.5% و كلندامايسين Clindamycin 1% , و توجد مستحضرات من المضادات الحيوية مخلوطة مع بنزويل بيروكسايد لفاعلية أكبر مثل بنزامايسين Benzamycin مركب من ايروثرومايسين 3% مع بنزويل بيروكسايد 5%.

3- الريتينويدز الموضعية Topical retinoids , حمض فيتامين أ (tretinoin) و المستحضرات الجديدة و هي تعمل على إزالة الطبقة القرنية و الحد من زيادتها و كذلك تعمل على تخفيف الإلتهاب. و هي جيدة للبثور تحت الجلد خاصة, و استخدامها مع البنزويل بيروكسايد يزيد من فاعليتها ضد البكتيريا. و تسبب هذه المركبات تهيج الجلد و تقشره و المستحضرات الجديدة منه أخف مثل جل أو كريم أفيتا Avita , أو ريتن-أ ميكرو Retin-A micro.
المستحضرات الجديدة من الريتينويدز مثل أدابلين Adaplene , الاسم التجاري Differin , أو تازاروتين Tazarotene , الاسم التجاري Tazorac, تعمل على مستقبلات حمض الريتونيدز Retinoic acid receptors في الجلد للحد من تقرن الجلد و كذلك الإلتهاب. و كلاهما يسبب تهيج و إحمرار و تقشر الجلد و حكة.

4- مستحضرات موضعية أخرى, مثل حمض الأزيليك Azelaic acid (Skinoren) أثبت فاعليته في علاج حب الشباب و كذلك علاج تلون الجلد الناتج عن الحالة. و يسبب حكة و حُرقة في الجلد.


في الكثير من الأحيان تكون الضغوط النفسية سبب في ظهور الحبوب حيث أن الضغوط تكون لها تأثير فسيولوجي علي الجسم عامة بما فيها التغيرات الهرمونية المصاحبة لذلك والتي تكون في سبب آخر لظهوره.
وفي بعض الأحيان الأخرى يتسبب ظهور الحبوب في الإصابة بالضغوط العصبية وليس العكس.
ولكن إذا تم علاج الحبوب بشكل سليم، فلن تكون الضغوط النفسية لها تأثير علي أغلبية الناس.

بالنسبة لتساقط الشعر ان شاء الله اجيبك غدا

[algantel_M]

جزاك الله كل خير طبيبة مسلمة
وان شاء الله هعمل بمعظمها وربنا يشفيني

[AbOzIeD]

بجد ما شاء الله عليكى
ربنا يوفقك
وجزاكى الله خيرا
ومنتظرين الشعر

[scorpion_man3]

شكراً أختنا العزيزة وجعل هذا كله في ميزان حسناتك يوم القيامة

[طبيبة مسلمة]

جزاني الله واياكم جميعا بارك الله فيكم

[طبيبة مسلمة]

بالنسبة لسؤالك اخي عن تساقط الشعر اليك هذه المعلومات وان شاء الله تفيدك:

العوامل المؤثرة في نمو الشعر:



1- قص الشعر

يعتقد الكثيرين أن قص الشعر يساعد على نموه لكن هذا في الحقيقة غير صحيح فالقص لا يحفز نمو الشعر ولا يغير طبيعته وإنما يؤثر فقط على الجزء الخارجي من الشعرة وهو الساق ويمكن أن يزيد من كثافة القشرة في الطبقة الخارجية من الشعرة مؤدياً إلى سماكة الشعرة.



2- الجنس

إن شعر الرأس أغزر لدى النساء بينما يزداد شعر الجسم لدى الرجال.



3- السلالة

يغزر الشعر لدى بعض الأجناس والعروق مثل القوقاز ويقل لدى أخرين مثل شعوب شرق آسياز



4- الهرمونات

هناك بعض الهرمونات تزيد من نمو شعر الرأس وأخرى تزيد من شعر الجسم وهي:

- هرمون الغدة الدرقية: يؤدي نقصه إلى قلة البصيلات النامية ويظهر الشعر غير لماعاً رفيعاً، ويتساقط بسرعة.

- هرمون الغدة النخامية: يؤدي زيادة هذا الهرمون إلى تساقط شعر الرأس وزيادة شعر الجسم.

- هرمون الغدة فوق الكلوية: يؤدي زيادة الهرمون إلى زيادة نمو شعر الجسم.

- الهرمونات المذكرة(التستوستيرون): وتسبب زيادته زيادة شعر الوجه والجسم.



5- التدليك :

إن التدليك الخفيف لفروة الرأس ينشط الدورة الدموية وبالتالي بصيلات الشعر أما التدليك الشديد فيمكن أن يؤذي البصيلات.



6- التغذية:

إن التغذية الصحية المتوازنة مفيدة للجسم وللشعر بشكل عام بعكس سوء التغذية التي يمكن أن تؤدي إلى تساقط الشعر



7- الضغوط النفسية:

تؤثر الضغوط النفسية سلباً على نمو الشعر ومثالاً على ذلك ظهور الثعلبة(منطقة على فروة الرأس خالية من الشعر).



8- الأدوية:

هناك بعض الأدوية تزيد من كثافة شعر الرأس وأخرى تقلله.



9- الأمراض المزمنة:

تضعف بعض الأمراض المزمنة من نمو الشعر مثل أمراض القلب والفشل الكلوي.

[طبيبة مسلمة]

تساقط الشعر

يمكن أن يكون تساقط شعر الرأس مؤقتاً أو دائماً.



أولاُ: تساقط الشعر المؤقت:

هناك أسباب عديدة جداً لتساقط الشعر المؤقت ومنها:



1- فقر الدم ونقص الحديد:


يمكن أن يزيد فقر الدم تساقط الشعر بشكل واضح وملحوظ، وعادة يعود الشعر إلى طبيعته بعد العلاج.



2- التعرض للضغوط النفسية والصحية:

مثل إجراء بعض العمليات الجراحية أو الإصابة بمرض شديد أو التعرض لبعض المشكلات النفسية، فيمكن أن يتساقط الشعر بغزارة بعد التعرض لمثل هذه الأحوال ويعود الشعر إلى طبيعته بعد التخلص من هذه المشكلات، كما يمكن أن يتساقط الشعر من منطقة محددة من فروة الرأس أو من اللحية عند الرجال، ويعود الشعر الى طبيعته بعد فترة من الزمن.



3- اختلال الهرمونات:

يمكن أن يحدث هذا خلال الحمل والولادة فيغزر الشعر أثناء الحمل بسبب زيادة الهرمونات الأنثوية ويتساقط بعد الولادة عندما ينخفض مستوى هذه الهرمونات بشكل مفاجئ، كما ان زيادة أو نقص هرمون الغدة الدرقية يمكن أن يتسبب بسقوط الشعر الذي يعود إلى طبيعته بعد علاج خلل الغدة الدرقية.



4- استعمال بعض الأدوية:

مثل العقاقير التي تستعمل لعلاج السرطان (ميثوتريكساتmethotrexate)، والعقاقيرالتي تستعمل لتمييع الدم( الهيبارينhaparin)، وعقار الكلوروكوين(cloroquine) الذي يستعمل لعلاج الملاريا.



5- زيادة الهرمون الذكري(التستوستيرونtestosterone) الذي يسبب تساقط شعر الرأس وكثرة شعر الجسد وذلك مثل مايحدث في متلازمة المبيض المتكيس(polycystic ovary syndrome).



6- الإصابة ببعض الالتهابات الموضعية في فروة الرأس مثل الالتهابات الفطرية التي تسبب تساقط الشعر في منطقة العانة.



7- يمكن أن يكون تساقط الشعر عرضاً لبعض الأمراض مثل الذئبة الحمراء

(lupus erythematousis).



8- إيذاء الشعر بالأصباغ الكيميائية أو بكثرة استعمال التجفيف بالحرارة أو بزيادة شد الشعر أثناء وضع اللفافات التي تستعمل قبل تزيين الشعر، أو بفرك الشعر بقوة أثناء تجفيفه.



9- كثرة تعرض الشعر للهواء والشمس والغبار.





10- غسل الشعر بصورة متكررة بالماء المالح أو العسر أو المضاف إليه مادة الكلور.


ثانياً: تساقط الشعر الدائم(الصلع) :


يحصل الصلع غالباً عند الرجال ويكون ذلك بتأثير الهرمونات الذكرية، ويبدأ بعد الوصول إلى مرحلة البلوغ، ويمكن القول بأن النساء يفقدن بعض الشعر مع تقدمهن بالعمر غير أن الصلع الكامل بسبب الهرمونات الذكرية لا يصيب النساء إلا فيما ندر.

كما أن الصلع يمكن أن يحدث بسبب إصابة بصيلات الشعر إما بالالتهابات القفطرية أو البكتيرية أو بالحرق بواسطة مجفف الشعر الهوائي، هذا إذا لم يتم تلافي المشكلة مبكراً وأدت الإصابة إلى تكون الندبات في منطقة البصيلات المتأثرة.

وتجدر الإشارة الى ان الصلع يمكن ان يحدث في أحوال نادرة بسبب اعتلال مناعة الجسم الذاتية ويمكن أن يكون الصلع محدوداً في مناطق صغيرة أو أن يشمل فروة الرأس كلها وفي بعض الأحيان يمتد الصلع ليشمل شعر الجسد كله وهذه الحالة تسمى الصلع الكامل(alopecia totalis).

يسبب العلاج بالزيت الحار إصابة بصيلات الشعر ويمكن أن يحدث أذى فيها وهذا يؤدي إلى صلع دائم في المناطق المصابة ولذلك لابد من الحذر أثناء العلاج بالزيت أو أثناء عمل حمامات الزيت.

[طبيبة مسلمة]

ودلوقتي جايبالك طرق العلاج..وهاتلاقي حاجات كتير قوي ممكن تعملها بس زي ماقلتلك قبل كده..مش هم تعمل كل ده المهم تختار حاجة او اتنين تعملهم وتداوم عليها عشان يظهر التأثير ان شاء الله


العلاج:



يختلف علاج تساقط الشعر تبعاً للعوامل المسببة، فإذا كان السبب هو سوء التغذية وفقر الدم فيمكن علاج التساقط بالتغذية السليمة وحبوب الحديد، أما إذا كان السبب هو اختلال هرمون الغدة الدرقية فيمكن أن يعود الشعر إلى طبيعته بتصحيح الخلل.

إما إذا كان تساقط الشعر بسبب الالتهابات الموضعية لا بد من استعمال المضادات الحيوية المناسبة وبعدها يتم الشفاء بإذن الله.

بالنسبة لتساقط الشعر الذي يحدث بسبب استعمال بعض الأدوية فإن التساقط يتوقف تدريجياً بعد توقيف العلاج، وإن كان لابد من استعمال الأدوية فيمكن استبدالها بأخرى ذات آثار جانبية أقل.

أما إذا كان تساقط الشعر بسبب زيادة الهرمونات الذكرية فلا بد من علاج المشكلة المسببة للزيادة في إفراز الهرمونات، وفي حالة استحالة العلاج يمكن استعمال بعض الأدوية الموضعية التي تنشط بصيلات الشعر وتزيد من نموها مثل المينوكسيديل(menoxidil).

وفي حالة الصلع الدائم فلا يوجد ادوية لإعادة الحياة للبصيلة المعطوبة ولكن يمكن حل المشكلة بتغيير شكل تسريحة الشعر أو بتجعيده لإخفاء المكان المصاب، ويمكن في الحالات الشديدة إجراء عملية زراعة الشعر التي أثبتت نجاحها في مراكز متعددة في أنحاء العالم.







الطب البديل(خلطات ونصائح لتقوية الشعر وعلاج الصلع ومنع تساقط الشعر وتثبيته):





العناية بالصحة العامة ، حيث إن لها تاثير مباشر على سلامة الشعر أو تساقطه ، فجذور الشعر وبصيلاته تعتمد على ما يحصل عليه جسمك من غذاء، ولذا فمن الضروري أن يحتوي طعامك على العناصر الأساسية للغذاء وأهمها البروتينات التي تتوافر في اللحوم والبيض والبقول ومنتجات الالبان والفيتامينات والمعادن والاملاح التي توجد بوفرة في الخضراوات كالسبانخ والجزر والكرنب والخضراوات الورقية والفاكهة الطازجة.

الحرض على تدليك فروة الرأس يوميآ في الصباح الباكر ، أي قبل الانشغال في الاعمال ، والهدف من ذلك هو تنشيط الدورة الدموية لفروة الرأس بقصد الحفاظ على صحة الأرضية التي يعيش فيها الشعر، ويجب أن يكون التدليك بأطراف الأصابع على ان يشمل الرأس كله ويفضل إستخدام بعض الفيتامينات أو المستحضرات المغذية للشعر ، ويمكن الإستعانة بلسيون الشعر اثناء التدليك، وبالنسبة للشعر الجاف يفضل بعد عمل حمام الزيت لف الشعر بفوطة دافئة بعد الحمام لزيادة تنشيط الدورة الدموية.
تجنب المنتجات الكيماوية للشعر مثل الصبغات وكريمات فرد الشعر ، وكذلك مجففات الهواء الساخن (السشوار) وغيرها.

أ. الشعر العادي: يراعي غسيل الشعر العادي بمعدل مرتين إسبوعيآ خلال فصل الشتاء و3 مرات إسبوعيآ خلال فصل الصيف، مع ضرورة إستعمال الصابون والشامبو القليل القلوية للحفاظ عليه من الجفاف، مع تصفيف الشعر مرة واحدة في الاسبوع بإستخدام بعض الزيوت النباتية مثل زيت الزيتون أو نبات الصبار لضمان حيوية الشعر ونضارته.

ب. الشعر الدهني: يفضل غسل الشعر الدهني ثلاث مرات إسبوعيآ بشامبو يحتوي على الليمون أو البيض (حتى يخلّص الشعر من الدهون الزائدة).

ت. الشعر الجاف: يكفي غسل الشعر الجاف مرة واحدة في الإسبوع بإستخدام شامبو يحتوي على الزيت أو اللانونين، ويفض عمل حمام زيت الخروع إسبوعيآ.



يفيد استخدام بعض النباتات(مثل زهور البابونج وبذور الفول السوداني) مع نباتات الزيتون والصبار وكذلك بذور نبات الجزر في تقوية الشعر ومنع سقوطه.

يفيد تدليك فروة الرأس بعصير البصل لعلاج سقوط الشعر

يفيد تناول الاتي لمدة 3 شهور:


في اليوم الاول: تناول حزمة جرجير ، وفي اليوم الثاني ثمرة جزر غير مقشور ، وفي اليوم الثالث ثمرة خيار بقشرها ، وفي اليوم الرابع تكرر بنفس الرتيب على مدى 3 شهور ، وفي الشهر الرابع يستخدم مخلوط متساوي النسب من كل من زيت اللوز الحلو وزيت الخروعغ وزيت الزيتون لتدليك فروة الرأس مع قطرات الماء عند التدليك وذلك مرة واحدة قبل النوم كل ليلآ (ويمكن إستخدام هذا الخليط للرموش والحواجب أيضآ) ثم يمشط الشعر بمشط واسع العيون ، وفي الشهر الخامس يدهن الشعر مرة واحدة أو مرتين في الاسبوع بخليط من الزيوت السابق ذكرها ، كما يمكن إستخدام قطرات قليلة منه لدهان البشرة فيعمل على شدها وتنعيمها ويزيد من سمك الرموش وكثافتها.


طرق اخرى:

عمل خلطة مكونة من الثوم النيء أو زيت الثوم(وهو الأقوى لأنه مركز) مع النخاع البقري ومع عصير أو زيت البصل ، وتلخط هذه المكونات ثم تعصر في مفارق الشعر ثم تعرض للبخار حتى تتفتح المسام وذلك لمدة ربع ساعة وتكرر هذه العملية مرة كل اسبوع.

دهن أطراف الأصابع للأيدي بزيت بذور الجرجير النقي ويدهن بها المناطق الخالية من الشعر والمناطق المراد إنباتها حتى تمتصه فروة الرأس ، على أن يكرر ذلك3 مرات يوميآ ، ولا تغسل شعرك إلا مرة واحدة إسبوعيآ ، وبالمداومة لمدة شهرين.

يفيد إستخدام الحناء في تغذية الشعر ، فهي أفضل وأقدم شكل للصبغة الطبيعية، حيث تغذي الشعر وتمنحه الملمس الحريري كما تمنحه الجمال الطبيعي وتحمي اطرافه من التقصف.

الإبتعاد عن أية مصادر للقلق النفسي ، وعدم كبت مشاعر الغضب أو الاحباط أو القهر أو الحزن ، وإنما المسارعة إلى تفريغها حتى لا تتراكم داخليآ ، وهنا تأتي ممارسة الرياضة الخفيفة كالمشي، وجلسات المصارحة والمكاشفة مع أقرب الأحباء كعلاج سريع للضغوط النفسية، وبالتالي للصحة العامة .


غسل الشعر بمنقوع الزعتر يقوي الشعر ويمنع سقوطه.

يفيد غضافة زيت الخروع الطبي إلى مكونات الشامبو لغسل الشعر لزيادة بريقه ولمعانه ولمنع سقوطه أو تقصفه.


خلط زيت الخروع بزيت اللوز الحلو وزيت الزيتون ويدهن به الشعر.

خلط عصير الجرجير بعصير البصل وزيت الزيتون ومسحوق حبة البركة ويستخدم كدهان.

يفيد مغلي قشور الثوم ويخلط بزيت الزيتون ويدهن به الشعر.

غلي الصبر في زيت الزيتون ويدهن به الشعر.

طحن ورق التين المجفف ويضاف إليه زيت الزيتون الساخن مع قليل من ماء الورد ويدلك بهما فروة الرأس مرة واحدة يوميآ.


عمل مزيج مكون من { 10جرامات زيت فازلين + 25 جرام زيت خروع + 5 جرامات زيت عطر الصنوبر + 75 جرام كحول أبيض + 3 جرام عطر بنفسج } ويدلك بهذا المزيج الشعر وجذوره.
عمل مزيج مكون من { 5 جرامات نشادر + 15 جرام عطر التربنتينا + 100جرام كحول بالكافور } ويتم تدليك جذور الشعر.

يفيد دلكه بعصير الفجل.

يفيد دلكه بعصير الجرجير مع زيت الورد.

أكل البصل مع الوجبات.

أكل الترمس أو إستخدام ماء غليه كغسول.

[algantel_M]

جزاكي الله كل خير ياطبيبة مسلمة
علي مجهودك في الركن الطبي
وشكرا علي الافادة

[AbOzIeD]

بجد يعجز لسانى عن الرد
بجد متميزه
جزاك الله خير
وغفر الله لنا لكى
وهدانا إلى الصراط المستقيم

[طبيبة مسلمة]

جزاني الله واياكم
وانا في الخدمة دايما :)
اسألكم الدعاء فقط :)

[sayed hassan]

يا طبيبه ممكن اسال
انا بحس بصداع دائم ولكن في مناطق معينه بالرأس ودوخه وزغلله في العين وهبوط في الدوره الدمويه عندي مما ينتج عنه اني اكون في خمول دائم
اولا اريد حلا
ثانيا اتمني من الله ان تكوني معنا دائما
اللهم ما اجزيكي عنا خيرا
شكرا

[طبيبة مسلمة]

شفاك الله وعافاك اخي

هو اللي بتشتكي منه ده ممكن يكون سببه حاجات كتير

عشان كده انصحك مبدئيا انك تروح تقيس النظر

وتعمل تحليل سكر لان ممكن يكون السكر عندك منخفض شوية
وتعمل صورة دم complete blood count

وتقيس الضغط على الاقل 3 مرات متتالية , يعني تروح للدكتور يوم واللي بعده واللي بعده
وياريت محدش يقيسلك الضغط وانت واقف زي مابنشوف في الصيدليات عشان ده غلط

وعايزاك كمان تهتم بالاكل
لازم تاكل كويس جدا خاصة الأكل اللي بيدي طاقة عشان متحسش بخمول
مع تنظيم مواعيد النوم لان السهر والنوم الملخبط ممكن يحسسو بالخمول والكسل

وان شاء الله خير
شفاك الله وعافاك

[sayed hassan]

متشكرا يا دكتوره بس في حاجه احب اعرفهالك الصداع اللي في الراس في اماكن مختلفه من الراس وخاصه من الخلف وبشده او نصف الراس صداع نصفي يعني شكرا

[طبيبة مسلمة]

على فكرة الصداع النصفي مش شرط انه ييجي في نص الراس بس

يعني هو ممكن يبدأ في نصف الرأس وبعدين ياخد الرأس كلها

وممكن ميكونش بالطريقة دي يعني من الاول بيبقى في الراس كلها


لو الصداع بييجي دايما عندك في مكان واحد بس من الرأس كل مرة انصحك ترح لدكتور يشوفك بعد ماتعمل الفحوصات اللي قلتلك عليها

وان شاء الله خير

[ايهاب البحراوى]

الزيادة فى الجسم على الرغم انى لا اكل كثير
ممكن اعرف السبب
وجزاكى الله خيرا

[طبيبة مسلمة]

ممكن تكون بسبب عدم ممارسة الرياضة
او انك بتاكل طعام مليان نشويات ودهون
حاول تمارس الرياضة بانتظام وتنظم اكلك ونشوف النتيجة ان شاء الله

[محمد حسن على الغنيمى]

اعانى من توجع ومغص فى الجزء العلوى من البطن فى الجانب الايمن كشفت اشعة تليفزيون لم يستدل على شىء اهى المرارة ام البنكرياس (سكر )او القولون وما هى اعراض كلا منهم
جزاكى الة خيرا

[طبيبة مسلمة]

اخي العزيز شفاك الله وعافاك

الاسباب المعروفة للالم في الجانب الايمن هي:

* امراض في الكبد مثل الالتهاب الكبدي واورام الكبد واحتقان الكبد مثل الذين يعانون من فشل عضلة القلب

* امراض المرارة مثل الحصوات

*امراض في الجزء من القولون الملاصق للكبد

*القولون العصبي

*امراض في الكلى اليمنى مثل حصوات الكلى والالتهابات الكلوية

*امراض في الفص السفلي للرئة اليمنى مثل الاتهاب الرئوي

*التهاب البنكرياس

سوف ارسل لك رسالة خاصة بها مجموعة اسئلة ارجو منك الاجابة عليها بدقة

[محمد حسن على الغنيمى]

لو الموضوع الاخير خاص بى
على فكرة انا تبرعت بالدم 3 مرات اخرهم منذ 3 اشهر
وقايس الضغط بعد التبرع كان معتدل لاهابط ولا مرتفع

[hanaa]

اولا احب اشكرك على الموضوع الرائع وجزاكي الله كل خير
انا مشكلتي في الصداع الي بيجني ديما وخصوصا في الفترة المسائية يعني تقربا ابتداء من حوالي الساعة 6 بحس بصداع خفيف وكل شوية بيزيد على اخر الليل بحس بالم في عنية علما اني اجريت كل الفحوصات اللا زمة عشان اعرف السبب والحمد لله كل حاجة طلعت سليمة لكن الصداع من ايه مش عارفة
شكرا لكي اختي طبيبة مسلمة وجزاكي الله كل خير تمنياتي لكي بالتوفيق

[طبيبة مسلمة]

شفاك الله وعافاك عزيزتي هناء

لو انتي عملتي كل الفحوصات دي وطلعت طبيعيه:

فحص النظر
كشف انف واذن
اسنان
قياس الضغط

يبقى ان شاء الله اللي عندك ده ممكن يكون نوع من الصداع النصفي
وساعات كمان الواحد لما يبقى في ضغط عصبي او مشدود لفترة ما بيحس بالصداع
او لما الواحد بيشرب قهوة ونيسكافيه كتير برضو ممكن يجيب صداع

فاطمني ان شاء الله خير..في ناس عشان تطمن زيادة بتروح تعمل اشعة مقطعية على المخ عشان تطمن ان كلو تمام فلو تحبي تعمليها عشان تطمني اكتر اعمليها..

ممكن تروحي لدكتور يوصفلك ادوية مناسبة للصداع ده بحيث ان شاء الله مايجيلكيش تاني , انا اعرف الادوية لكن انا ماينفعش اوصف علاج لحد دلوقتي فانتي روحي لدكتور كويس يكتبلك الادوية بجرعاتها وان شاء الله الصداع يختفي..

مع خالص امنياتي لك بدوام الصحة والعافية :)

[AbOzIeD]

ألف سلامه ليكم يا جماعه
وربنا ييسر ليكم اموركم








بس صحيح مشوفتش يعنى حد ادانى ربع جنيه
ايه يا دكتوره هوه الكل ببلاش ولا ايه






طب خلاص مش مشكله
نخليها مجانى
بس بشرط تحبوا التحدى
واعضاء التحدى

[طبيبة مسلمة]

لا طبعا ياحضرة المدير العام
احنا متفقين كلو ببلاش :)
واللي عايز يدفع احنا بنقبل الدعوات بظهر الغيب :)

[AbOzIeD]

لا طبعا ياحضرة المدير العام
احنا متفقين كلو ببلاش
واللي عايز يدفع احنا بنقبل الدعوات بظهر الغيب

ان شاء الله يا دكتوره
وربنا يوفقك يارب
لانك متميزه فى مجالك جدا

[hanaa]

لا طبعا ياحضرة المدير العام
احنا متفقين كلو ببلاش :)
واللي عايز يدفع احنا بنقبل الدعوات بظهر الغيب :)

جزاكي الله كل خير خير فعلا الدعوات احسن من كل حاجة اسال الله تبارك وتعالى ان يوفقك ويحقق لك كل الي انتي بتتمنيه والنجاح ديما في تخصصك وتكون من اشهر الطبيبات وتفيدي الاسلام والمسلمين
شكرا لكي وبالتوفيق

[طبيبة مسلمة]

اشكرك عزيزتي هناء جزاك الله كل خير

ادام الله عليك نعمة الصحة والعافية..امين

[arab]

انا الحمد لله معنديش اي حاجة
ولكن حبيت اشكرك علي ردودك الجميلة
وخوفك علي مصلحتنا
ومحفظتك علي فلوسنا
بس علي فكرة الداكتره هيزعلوا منك خدا!!!!!!!!!

[طبيبة مسلمة]

جزاك الله خيرا اخي العزيز
اشكرك من كل قلبي
ومهما كان انا لسة دكتورة صغنونة قوي قوي ماجيش حاجة جنب الدكاترة الكبار :)

ربنا يديك الصحة والعافية وكل اسرة التحدي :)

[AbOzIeD]

ربنا يديك الصحة والعافية وكل اسرة التحدي

ربنا يخليكى يا دكتوره
ويديكى الصحه والعافيه

[الفيلسوف الصامت]

أحيانا عيوني بتكون حمراء بطريقة مستمرة حتي بعد الاستيقاظ من النوم ؟

وجزاكي الله كل خير ومنتظر منكي الرد
وأود أن أهنيكي علي مجهودك الرائع والمميز في المنتدي ..

[طبيبة مسلمة]

جزاني الله واياك اخي العزيز

شفاك الله وعافاك

شوية اسألة ياريت تجاوبني عليهم:

هل عينيك فيها حاجة تانية غير انها حمرا؟ يعني بتحرقك؟ بتوجعك؟ او اي ملاحظة تانية لاحظتها غير الاحمرار ده؟

هل بتلبس عدسات لاصقة؟

لو تقدر تقولي الاحمرار ده اكتر في نص عينك حوالين القرنية كده والا اكتر في الاطراف ؟ لو معرفتش مش مشكلة

[KADI1988]

جزاك الله كل خير

[طبيبة مسلمة]

جزاني الله واياك اخي العزيز واي سؤال انا في الخدمة :)

[algantel_M]

السلام عليكم
ازيك يادكتورة أريد اسشارة بسيطة
فوائد البيض بعد اذنك لأني بأكله كتير وبحبه ؟

[طبيبة مسلمة]

للبيض عدة فوائد، منها التزويد بأفضل أنواع البروتين، والطاقة، والمعادن كالكالسيوم والزنك والمنجنيز، وأكثر من 10 فيتامينات.

بعض البحوث تقول إن تناول البيض بانتظام قد يقلل من نسبة الإصابة ببعض السرطانات، وبعض البحوث الأخرى تقول: إن لصفار البيض دورٌ في الحماية من تصلب الشرايين،

ولم يوجد أي تأثير مباشر للبيض على ضغط الدم، ولكن بالطبع إذا وُضع عليه ملح كما هي العادة فقد يزيده .


يحتوي (الصفار) على كل الكولسترول حوالي 212 ملليغرام. بينما يوصى الباحثون بتحديد تناول الكولسترول بنسبة 300 ملليغرام في اليوم، أما إذا كانت تشكو من ارتفاع الكولسترول فينصح بتناول 200 ملليغرام فقط. وهذا يعني 3 إلى 4 بيضات في الأسبوع.



بينما لا يحتوي البياض على الكولسترول ويمكن استعماله بدلاً من البيض الكامل. عموماً، يكافئ بياضا البيض بيضة كاملة واحدة في الطبخ. (( وحاليا يوجد بعض الدراسات الاخرى تقول ان البيض لا يزيد الكوليسترول..وسواء كان اي الرأيين صحيحا فالاعتدال في كل شئ مطلوب))


هذا وحول فوائد البيض، فهو يحتوي على الدهون: اذ يحتوي البيض العادي على 6جرامات من الدهون، منها ما يقل عن جرامين مشكوك في أنها دهون مشبعة.

لذلك، توصي منظمة الصحة العالمية بعدم تناول ما يزيد عن عشر بيضات كاملة أسبوعيا، بما في ذلك تلك المستخدمة في المايونيز وكما يؤكد اختصاصيو التغذية فإن محتوى الدهون يختفي تماماً عند استبدال كل بيض كامل في وجبتك ببياض اثنتين من البيض.


البروتين: يحتوي البيض على أعلى كمية من البروتينات مقارنة بأية أغذية أخرى إضافة إلى الأحماض الأمينية اللازمة لبناء العضلات السليمة فضلاً عن سهولة هضم هذه العناصر.

وهناك قدر زائد قليلاً من البروتين في بياض البيض مقارنة بصفار البيض، لذلك يمكن للمرء آن يحظى بفوائده حتى أثناء مراقبة مستوى الكولسترول لديه.



وبالنسبة للفيتامينات: ففضلاً عن احتوائه على أفضل أنواع البروتين، يعد البيض أيضا غنياً بفيتامينات (أ)، (ب) ، (هـ) ولا سيما فيتامين "ب 12" الذي يعد أساسيا في المحافظة على النظام العصبي.

ويشكل البيض أيضا مصدراً جوهرياً للثيانين والربوفلافين والنياسين والفوليت، وهو فيتامين ضروري للمحافظة على الصحة أثناء الحمل.


المعادن: يعد البيض، ولا سيما صفاره مصدراً رئيسياً للكالسيوم والزنك والمنجنيز فضلاً عن الحديد.



وقال علماء إن مزيجا من الأجسام المضادة في صفار البيضة العادية قد تمنع تفشي بكتيريا شائعة في الأطعمة تقتل آلاف الأميركيين سنويا.

ووجد الباحثون من جامعة ألبرتا في كندا أن دجاجا حقن بعناصر مسببة للأمراض مثل بكتيريا إيه كولي قام بتطوير أجسام مضادة لمحاربة البكتيريا. وتتراكم الأجسام المضادة هذه في صفار بيض الدجاج.

وقدم هون سونو الخبير في كيمياء الأغذية بجامعة ألبرتا نتائج الدراسة التي أشرف عليها إلى الاجتماع السنوي للجمعية الكيماوية الأميركية. وبعد حقن الدجاج بعناصر مسببة للأمراض قام العلماء بإزالة ومعالجة وتجفيف الأجسام المضادة الناشئة من صفار البيض. ومزج الباحثون تلك الأجسام المضادة لصنع مزيج يعتقد العلماء أنه ربما يستطيع مواجهة أكثر الميكروبات شيوعا في الأغذية.

ووجد الباحثون أن التجارب الأولية كشفت أن الميكروبات الموجودة بالأغذية عجزت عن التكاثر عند تعرضها لمزيج الأجسام المضادة. وقال العلماء إنهم يأملون في أن تكشف اختبارات إضافية إمكانية رش تلك الأجسام المضادة على الأغذية وإبطال مفعولها.




وكشفت احدى الدراسات كذلك أن البيض يقلل من أمراض العيون الناجمة عن التقدم في العمر ، ويعمل على تحسين أداء الذاكرة الطويلة المدى .

وأعلنت دراسة أكاديمية إيطالية أن تناول البيض مفيد بشكل كبيريحمى من القلق والتوترالنفسي.
واشارت الدراسة التى أجرتها جامعة ميلانو الى أن ثراء البيض بمادة ميلاتونيين يجعله دواء فعال ضد التوتر العصبى والقلق

[algantel_M]

جزاكي الله خيرا طبيبه مسلمه
ووفقكي الله الي مايحب ويرضي

وأنا بأكل ممكن في اليوم 3 بيضات هل هذا له أضرار ؟

[طبيبة مسلمة]

جزاني الله واياك اخي العزيز

هو حسب ماتوصي به منظمة الصحة العالمية
فثلاث بيضات في اليوم يعتبر كتير

[algantel_M]

جزاكي الله خيرا يادكتورة علي الافادة
ودائما حقا أنت مميزة بالتوفيق

[الفيلسوف الصامت]

هل عينيك فيها حاجة تانية غير انها حمرا؟ يعني بتحرقك؟ بتوجعك؟ او اي ملاحظة تانية لاحظتها غير الاحمرار ده؟
لا
هل بتلبس عدسات لاصقة؟
لا
لو تقدر تقولي الاحمرار ده اكتر في نص عينك حوالين القرنية كده والا اكتر في الاطراف ؟ لو معرفتش مش مشكلة
في الأطراف

وأنا اسف علي التأخير في الرد
وشكرا علي الاهتمام بما
يتقدم من استفسارات وأسئله

[طبيبة مسلمة]

بالنسبة للي عندك اخي الفيلسوف فممكن يكون التهاب في ملتحمة العين conjunctivitis
وده ممكن يكون بسبب حساسية او جفاف بسيط في العين مادام مافيش اي مشكلة تانية في عينك غير الاحمرار بس

وعلاجه سهل جدا ان شاء الله
انصحك بالذهاب لطبيب العيون ليصف لك قطرة العين المناسبة
شفاك الله وعافاك

[ايهاب البحراوى]

السلام عليكم
ممكن اعرف منكى با طبيبة مسلمة
اخطار ارتفاع الضعط ؟
وكيفية العلاج منه ؟
واسبابة ؟

[طبيبة مسلمة]

وعليكم السلام ورحمة الله

تفضل اخي في الموقع ادناه هتلاقي معلومات كثيرة عن ضغط الدم

http://www.sehha.com/diseases/cvs/hypertension1.htm

دي الصفحة الاولى من الموقع وتقدر تقلب صفحاته من اسفل بالضغط على زر ( تالي)

ولو واجهتك اي صعوبات او اسئلة اكتبهالي

[فارس التحدى]

موضوع رائع
وانا عندى سؤال
سمعت كثيرا عن الانيميا
وسمعت أيضا لما يكون فى جروح فى أول صوبعك بعد الأظافر على طول يكون عندك أنيميا
وكمان لما تحث أنك هبطان أو مش ليك نفس وكده
هل الكلام ده صحيح

[طبيبة مسلمة]

الاحساس بالهبوط او الدوخة والخمول فعلا من اعراض الانيميا

لكن جروح في الاصابع ليست من اعراض الانيميا

الانيميا قد تؤثر على شكل الاظافر ومتانتها..يعني تكون الاظافر غير لامعة مثل الطبيعي..تتكسر بسهولة..يتغير شكلها..لكن جروح في الاصابع نفسها ليس من اعراض الانيميا

[AbOzIeD]

شكرا لكى
وبالتوفيق الدائم
ودمتى بخير دائما
يا طبيبة مسلمة

وفين أجره الكشف يا فارس التحدى أستشاره اهوه مقولكش




ولا أقولك خلاص احنا اتفقنا ان العياده بتعتنا مجانا
يارب تكون بخير
ويارب يشفى جميع مرضى المسلمين

[for you]

السلام عليكم
أحيكم على الموضوع
وانا عندى سؤال
ولو إداره المنتدى شافه انه مش مناسب ممكن يمسحوا بس فعلا الموضوع مهم وياريت يكون موجود عندكم حل للموضوع
انا ليه صديق مقرب الصديق كده كويس جدا ولا يشتكى من أى مرض أو أى سوء ولكن من فتره ظهر له بقع بيضاء فى مكان حساس ولا يوجد الا فى ذلك المكان ولكنه لم يهتم لها ولكن بعد فتره زادت البقع
واشتكى لى قلت له لابد ان نذهب لطبيب وحينما ذهبنا كانا مشكله كبيره مكان البقع دى على عضوه التناسلى فى مكان مبهم قال له الدكتور ان تلك البقع هى بهاق وانه اتى نتيجه ضعف جنسى وكتب له الدكتور علاج وقال له انه لابد ان يعرضها لأشعه الشمس وطبعا لازم يدهن مكان البقع وكده ولكن صاحبى أصيب بصدمه نفسيه وبعد مرات من العلاج لم يتغير شىء وقرر صحبى التداوى بالاعشاب ولم يحدث شىء ايضا فأتمنى ان تخبرينا ماذا يفعل وهلا فعلا هذا بسبب الضعف الجنسى لانه يكاد يكون منهار ويريد أن يفعل الفاحشه ليتأكد من نفسه وانا واصدقائى نمنعه بصعوبه

[فارس التحدى]

شكرا طبيبة بس انا مش قاصدى جروح يعنى تعوير وكده زى ما يكون قشر فى الجلد و شكرا لك على الأجابه السريعه

وشكرا أبوزيد
وبدام مافيش اجره فأنا هادعلكم ان يارب المنتدى يكبر ويكون افضل منتدى فى العالم

[طبيبة مسلمة]

اخي For you

بجد انا مش عارفة اقول ايه في دكتور زي ده
حسبي الله ونعم الوكيل فعلا

مادام هو شخص ان اللي عند صاحبكم ده بهاق
يبقى ازاي وباي منطق يربط بين البهاق والضعف الجنسي

البهاق ده مرض جلدي بيحصل بسبب ان الخلايا اللي بتفرز الميلانين اللي بيدي لون الجلد بتموت او بتبطل تفرزه..فلون الجلد بيفتح عن الطبيعي

واسباب البهاق الى الان غير معروفة وكل اللي بيتقال عنه مجرد نظريات...وحتى النظريات دي ليس لها اي علاقة بالضعف الجنسي

بجد مش عارفة جاب الكلام ده منين

ارجوك طمن صاحبك وقوله ان البهاق مالوش دعوة تماما بالقدرة الجنسية

ولو تحبو تطمنو اكتر روحو لدكتور تاني يكشف على صاحبكم يمكن ميكونش اللي عنده ده بهاق ويكون حاجة تانية

لكن زي ماقلتلك...البهاق ليس له اي علاقة بالضعف الجنسي

وربنا يشفي صاحبكم ويعافيه ويطمنكم عليه باذن الله

[AbOzIeD]

وشكرا أبوزيد
وبدام مافيش اجره فأنا هادعلكم ان يارب المنتدى يكبر ويكون افضل منتدى فى العالم

شكر لك يا فارس التحدى
وبالتوفيق

[for you]

جزاك الله خيرا يا دكتوره أرحتى صدورنا طب فى سؤال أخر أسف يعنى هوه ممكن يرجع لون الجلد زى الاول طب لو فى نصيحه من حاضرتك أو نوع دواء معين وهلا فعلا لازم يعرضها للشمس

[طبيبة مسلمة]

اخي For you اعذرني على التاخير

البهاق منه 3 انواع:

البهاق المنتشر:
وهو الذي يظهر وينتشر تدريجياً ليصيب مساحات كبيرة من الجسم قد تصل إلى كامل الجسم ماعدا أجزاء بسيطة تحتفظ بلونها الأصلي.

البهاق الثابت أو المستقر:
وهو الذي يبدأ ثم ينتشر في أجزاء معينة ثم يتوقف عن الانتشار بحيث لا تزيد المساحات المصابة بعد التوقف.

البهاق المتراجع:
وهو الذي يبدأ وينتشر ثم يتراجع تدريجياً وتبدأ الصبغة في الظهور مرة أحرى في الأماكن التي أصيبت بالبهاق.


وممكن اللي عند صاحبك يكون اي نوع من دول
لكن ان شاء الله يبقى الثاني او الثالث مادام مظهرش عنده في مكان اخر

هو التعرض للشمس مفيد بس لو مقدرش مش مشكلة

عايزاك تنبه صاحبك ان الحالة النفسية ليها دور مهم في المرض ده..يعني ياريت لو يشيل الافكار اللي كانت في دماغه دي وينساها تماما ويعيش حياته طبيعي..لان ممكن الحالة النفسية السيئة لوحدها تساعد على انتشار المرض

ودلوقتي في طرق كتير حديثة لعلاج البهاق من ضمنها العلاج بالاشعة الفوق بنفسجية .. والطرق دي ممكن تلاقيها في مراكز متخصصة او عند دكاترة الجلدية الكبار

[Rosana]

please doctor can i ask u something
what is the best treatment for acne
one of my friends is really suffering from it and don't know what to do?

[AbOzIeD]

please doctor can i ask u something
what is the best treatment for acne
one of my friends is really suffering from it and don't know what to do?

أن شاء الله الدكتوره تجاوبك
بس هيه اليومين دول وراها امتحانات وفى أقرب فرصه ها تجاوبك
وبنرحب بيك على صفحات المنتدى روزانا

[طبيبة مسلمة]

اهلا وسهلا يا روزانا انا اسفة اني اتأخرت عليكي حبيبتي

بالنسبة لحب الشباب هاقولك شوية نصايح تقوليها لصحبتك وان شاء الله تنفعها:

- لا توجد نصيحة معينة بالنسبة لتجنب أنواع معينة من الأكل حيث أنها لم تُثبت جدواها, بإستثناء تجنب المأكولات التي تحتوي على كمية عالية من اليود Iodine.

2- غسل الوجه, على الأقل مرتين يومياً, بالماء الفاتر و صابون خفيف أو بدائل الصابون اللطيفة و الخفيفة على الجلد و تجنب المستحضرات المُقشرة الشديدة و التي تنشف الجلد أو يقال بأنها تقتل البكتيريا! , حيث أنه لا توجد حاجة لها.

3- تجنب دعك البثور بشدة أو تقشيرها.

4- عدم استخدام المكياج أو مستحضرات التجميل و بخاصة الدهنية منها

ضعي أوراق الفراولة على حب الشباب لتخفيف الانتفاخ والاحمرار.

امزجي ليمونة مع القليل من ماء الورد، وضعي المزيج على الوجه لمدة نصف ساعة، واغسلي الوجه بالماء الدافيء. يستمر البرنامج لمدة 15 يوم.

امسحي البشرة بقشرة الليمون الداخلية البيضاء قبل غسلها بالماء.

اغسلي الوجه بعصير النعناع الطازج كل ليلة للتخلص من البثور وحب الشباب والأكزيما والجرب والكثير من مشاكل البشرة.

تناولي الكثير من الفواكه الطازجة والخضروات.

اهرسي الخيار واصنعي منه معجونا، ضعيه على وجهك وسيصبح ناعما جدا مع الانتظام بعمل هذا الماسك.

اطحني قشرة البرتقال مع بعض الماء وضعيها على وجهك. من أفضل العلاجات المنزلية.
نظفي الوجه بقطن مبلل بماء الورد.

[Rosana]

Thanks alot doctor for your advice

[AbOzIeD]

Thanks alot doctor for your advice

اتمنى تكونى حضرتك لقيتى الحل المناسب لصديقتك
لان بصراحه دكتوره منتدى التحدى من الدكاتره النادر تكررارهم
ومجتهده جدا ودائما تشخصها فى محله
بالتوفيق الدائم لكى ولها ولأعضاء المنتدى ولكل المسلمين
ونسأل الله الشفاء لكل المسلمين

[AbOzIeD]

السلام عليكم
بعد أذن حضرتك يا دكتوره عندى سؤال
ممارسه الرياضه فى حياه الانسان
هل لها دور على صحه الأنسان
بمعنى لو انا كنت متعود مثلا على ممارسه رياضه معينه
وكانت اللياقه البدنيه جميله جدا والنشاط مصاحب للمارسه الرياضه دى
وفجأه أنقطعت عن ممارسه الرياضه
ومافيش تحفيز للمارسه مره اخرى
وطبعا فى معانه فى الياقه
وضيق فى التنفس
وسرعه فى الهبوط
يعنى ممكن الانسان يهبط من اقل مجهود
وأشعر بتقارب نبضات قلبى ومصاحب بعرق
وتسارع فى خروج الشهيق والزفير
وعدم القدره على الحديث
وأخذ مده 5 دقائق لإستعاده الوضع الطبيعى
هل كل ذلك عائد لعدم ممارسه الرياضه
أم أنها مشكلات صحيه
أرجوا الأفاده
تقبلى تحياتى وتقديرى

[طبيبة مسلمة]

اولا اشكرك على كلماتك الطيبة في حقي..جزاك الله كل خير :)

ثانيا بالنسبة لسؤالك...اكيد ممارسة الرياضة مفيد للانسان جدا سواء جسديا او نفسيا ايضا

يعني بالاضافة للقوة والنشاط والحيوية وتقوية جهاز المناعة...الرياضة بتبعث على الراحة النفسية والتفاؤل..ومضادة للاكتئاب كما كتب الاخ طاهر في موضوعه الاخير في المنتدى الطبي


ولما الواحد بيكون متعود يمارس رياضة معينة بشكل منتظم وبعد كده ينقطع عنها اكيد ده بيرجع الانسان لنفس الحال اللي كان عليها قبل ممارسة هذه الرياضة ويمكن احيانا اكثر خمولا وكسلا اذا كان الانقطاع لفترة طويلة...وده ممكن يكون سبب ماتعانيه من اعراض حاليا..خاصة اذا كان ده مصاحب بوزن زائد


عشان كده انصحك انك ترجع تمارس الرياضة تاني...واكبر حافز ليك يكون عشان نفسك انت...وانك تكون في حالة افضل بدنيا ونفسيا

وابدأ شوية شوية..ولا تقسو على نفسك في التدريبات يعني خد الامور بالتدريج لحد ماترجع لنفس مستواك السابق

وانصحك ايضا انك تحسب وزنك وتشوف هل هو مناسب ام زائد...وتنظم اكلك وتاكل اكل صحي ومفيد..ويمكنك الاستعانة بالموضوعين التاليين في ذلك:

http://www.eltahady.com/vb/showthread.php?t=1708

http://www.eltahady.com/vb/showthread.php?t=1878

وان شاء الله ميكونش في اي مشكلة

ولو حبيت تطمن ممكن تروح لدكتور او اي حد يعرف يقيسلك الضغط .. وان شاء الله يطلع طبيعي..بس ياريت وانت بتقيسه متكونش واقف..يعني يا اما قاعد او نايم...وماتكونش لابس هدوم كمها ضيق عشان ميأثرش على القراءة الصحيحة للضغط

مع خالص امنياتي لك وكل اسرة التحدي بدوام الصحة والعافية

[AbOzIeD]

اولا اشكرك على كلماتك الطيبة في حقي..جزاك الله كل خير

تلك كلمات صغيره لن توفكى حقك يا دكتوره
فأنت نبراص لنا داخل منتدنا
فى تواجدك معنا
وبتواجدك
تضىء صفحات منتدنا
فلا تحرمينا من تواجدك معنا
ومن علمك
وجزاك الله خيرا
ويسر لك أمرك

ثانيا بالنسبة لسؤالك...اكيد ممارسة الرياضة مفيد للانسان جدا سواء جسديا او نفسيا ايضا
يعني بالاضافة للقوة والنشاط والحيوية وتقوية جهاز المناعة...الرياضة بتبعث على الراحة النفسية والتفاؤل..ومضادة للاكتئاب كما كتب الاخ طاهر في موضوعه الاخير في المنتدى الطبي
ولما الواحد بيكون متعود يمارس رياضة معينة بشكل منتظم وبعد كده ينقطع عنها اكيد ده بيرجع الانسان لنفس الحال اللي كان عليها قبل ممارسة هذه الرياضة ويمكن احيانا اكثر خمولا وكسلا اذا كان الانقطاع لفترة طويلة...وده ممكن يكون سبب ماتعانيه من اعراض حاليا..خاصة اذا كان ده مصاحب بوزن زائد

فعلا يا دكتوره وانا حاسس بده دلوقتى فى كون تملك الكسل منى والصعوبه فى مواجه ما يقابلنى وتعودى على السهوله فى الحصول على الكثير من الأشياء وذهابى لأقرب الأماكان بالسياره وكثره تناولى للمشروبات الغازيه

عشان كده انصحك انك ترجع تمارس الرياضة تاني...واكبر حافز ليك يكون عشان نفسك انت...وانك تكون في حالة افضل بدنيا ونفسيا
والله نفسى يا دكتوره أرجع أمارس الرياضه من جديد وان شاء الله هتغلب على كسلى وهجاهد نفسى فى الصبر والتحمل والبدأء من جديد

وابدأ شوية شوية..ولا تقسو على نفسك في التدريبات يعني خد الامور بالتدريج لحد ماترجع لنفس مستواك السابق
ان شاء الله وشكرا على نصائحك الغاليه ودائما انتظر دعمك ومتابعتك

وانصحك ايضا انك تحسب وزنك وتشوف هل هو مناسب ام زائد...وتنظم اكلك وتاكل اكل صحي ومفيد..ويمكنك الاستعانة بالموضوعين التاليين في ذلك:

http://www.eltahady.com/vb/showthread.php?t=1708

http://www.eltahady.com/vb/showthread.php?t=1878

وان شاء الله ميكونش في اي مشكلة

هوه صراحه انا زدت حوالى 7 كيلوا فى الفتره الى فاتت وانا فعلا حاولت أكثر من مره فى أتباع نظام غذائى معين بس أصحابى بصراحه م بيشجعوا على كده خالص أول ما بيجوا بتبوظ المسأله وكمان بقى والدتى متوصيه شويه بالأكل وكده وبيكون أكلها صراحه لا يقاوم وكمان بقى للأسف بعد صاله الحديد المفضله لدى عن مكان أقامتى بعد أستقرارى فى قريتنا الكريمه وانشغالى فى الشغل والعمل اصبح يصبينى بالكسل وتعودى على الذهاب الى أى مكان بالسياره داخل وخارج القريه فأصبح المشى يكاد يكون منعدما بس أن شاء الله هسمع كلام حضرتك وهنفذه وأن شاء الله تكون بدايه موفقه وان شاء الله أتابع مع حضرتك


ولو حبيت تطمن ممكن تروح لدكتور او اي حد يعرف يقيسلك الضغط .. وان شاء الله يطلع طبيعي..بس ياريت وانت بتقيسه متكونش واقف..يعني يا اما قاعد او نايم...وماتكونش لابس هدوم كمها ضيق عشان ميأثرش على القراءة الصحيحة للضغط
أن شاء الله
وأنا عاجز عن شكر حضرتك

فجزاك الله خير
ويسر لك أمرك ورزقك السعاده دوما
وفرج همك وباعد بينك وبين المرض
ورزقك النجاح والفلاح
وجعلك من أهل الجنه




مع خالص امنياتي لك وكل اسرة التحدي بدوام الصحة والعافية

[طبيبة مسلمة]

ربنا يخليلك والدتك ودايما تعملك الاكل اللي بتحبه

بس دي مش حجة...مهما كان الاكل حلو لازم الواحد يحافظ على صحته ووزنه السليم

وكبداية..انصحك انك تاكل اللي انت عايزه بس تقلل الكميات

يعني مثلا...لو انت متعود تاكل طبق رز على الغدا...شيل ربع الكمية ... وافضل على كده فترة لحد ماتتعود على الكمية الجديدة وتبقى كافية ليك...وبعدين قلل حبة كمان..وهكذا

وبالنسبة لركوب العربية في كل المشاوير..انصحك انك لو رايح مشوار قريب خاصة بالليل والجو كويس انك تمشي...

وان شاء الله تقدر ترجع تمارس الرياضة من جديد

[AbOzIeD]

ربنا يخليلك والدتك ودايما تعملك الاكل اللي بتحبه

بس دي مش حجة...مهما كان الاكل حلو لازم الواحد يحافظ على صحته ووزنه السليم

وكبداية..انصحك انك تاكل اللي انت عايزه بس تقلل الكميات

يعني مثلا...لو انت متعود تاكل طبق رز على الغدا...شيل ربع الكمية ... وافضل على كده فترة لحد ماتتعود على الكمية الجديدة وتبقى كافية ليك...وبعدين قلل حبة كمان..وهكذا

وبالنسبة لركوب العربية في كل المشاوير..انصحك انك لو رايح مشوار قريب خاصة بالليل والجو كويس انك تمشي...

وان شاء الله تقدر ترجع تمارس الرياضة من جديد


شكرا لحضرتك وان شاء الله أنفذ الكلام وربنا ييسر الأمور
:) :confused: :)
وبشكر حضرتك مره أخرى
وجزاك الله خيرا

[for you]

السلام عليكم انا عندى سؤال وهوه ألم الركبه سعات لما أقعد فتره وأجى أقف أحس ان فى ألم شديد فى ركبتى ومش عارف ايه السبب على الرغم انى مش جسمى تقيل أو تخين

[الرحال]

الاجابة بسيطة ولكن قبل ان اجيب اريد ان نشاهد معا هذا الرابط الذي يشرح كل شيء عن آلآم الركبة وبعدها اجيب
هذا هو الرابط:
http://www.eltahady.com/vb/showthread.php?p=26086#post26086

[algantel_M]

السلام عليكم ازيك يادكتوره

الان عندي استفسار من يحاسب من يخطئ في اعطاء الحقنه ؟ والرقابة غائبة ؟

[طبيبة مسلمة]

اهلا وسهلا بيك اخي الجنتل

في بلدنا كل شئ ماشي غلط

وحاجة زي دي لما تحصل وتؤدي الى ضرر من حقك ترفع قضية على المسؤول عن ذلك

لانك ممكن لما تشتكي لمدير المستشفى ولا الوحدة الصحية اللي حصل فيها كده ممكن ميعملش حاجة


وزي مابيقولو الوقاية خير من العلاج
فلما تكون محتاج تاخد حقنة روح لحد بيعرف يدي حقن كويس

ربنا يحفظك

[طارق]

السلام عليكم ورحمة الله وبركاته

انا عايز اسال عن فيرس سى اخطاره وعايز اعرف كل حاجه عنه

وايه علاجه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شكرا دكتوره على فكرا انا سالت قبل كدا

السؤال داااااااااااااا

[طبيبة مسلمة]

وعليكم السلام ورحمة الله وبركاته

تفضل الاجابة في الرابط التالي

من هنا (http://forum.meshfakeronline.net/lofiversion/index.php?t10541.html)

[rushdy]

حاسس بمغص جامد وعندي اسهال
ورشف وزوري مغلق وكدمة كروية

[طبيبة مسلمة]

شفاك الله وعافاك طهور ان شاء الله


انت كده محتاج مضاد حيوي

ممكن تاخد فلاجيل اقراص 250 تاخد تلات مرات في اليوم( قرص كل 8 ساعات)
لمده خمس ايام

وعشان المغص ممكن تاخد موتيليامMOTILIUM
تاخد قرص واحد لما يجيلك المغص لكن متزودش عن قرصين في اليوم

وبالنسبة لزورك هل هو مقفول اوي..وهل في سخونية او لا؟

[طبيبة مسلمة]

يارب تكون احسن دلوقتي

معلش مش فاهمة ايه (كدمة كروية) اللي انت كاتبها

ياريت توضحلي

[weee]

عندى سؤال
ظهور بعض الجروح على أطارف الأصابع يعتبر من الأنميا ولا ده سببه ايه
وكمان فى بعض الأوقات صداع شديد فى مؤخره الرأس وملوش وقت ولا ميعاد
وشكرا

[AbOzIeD]

عندى سؤال
ظهور بعض الجروح على أطارف الأصابع يعتبر من الأنميا ولا ده سببه ايه
وكمان فى بعض الأوقات صداع شديد فى مؤخره الرأس وملوش وقت ولا ميعاد
وشكرا

نأسف على عدم الرد فى الوقت الحالى على أستفسارك
نظرا لغياب طبيبه المنتدى
ولكن أن شاء الله ستكون لديك أجابه فى أقرب وقت
دمت بخير
ونسأل الله لنا ولك الصحه والعافيه

[جمال عبد الناصر]

السلام عليكم ورحمة الله وبركاته
عندى استفسار عن مرض النقرس
وعلاقته بورم فى الأصبع الأكبر فى القدم اليسرى
ومريض بالضغط ثابت 100 / 110 على 170 / 160
وبعض الإرشادات عن الأطعمه فى تلك الحاله

[نادية سامى]

السلام عليكم
أنا زوجى مريض بمرض السكر
أتمنى منكم توضيح علاج المرض وطرق الوقايه والمحافظه على الصحه منه
وجزاكم الله خير

[طالبة المغفرة]

السلام عليكم ورحمة الله وبركاته
عندنى مشكله أن ولدى بيعانى من حصوه فى الكلى
وأريد علاج أو حل لتلك الحصوه وسبل الوقايه منها

[طبيبة مسلمة]

عندى سؤال
ظهور بعض الجروح على أطارف الأصابع يعتبر من الأنميا ولا ده سببه ايه
وكمان فى بعض الأوقات صداع شديد فى مؤخره الرأس وملوش وقت ولا ميعاد
وشكرا

السلام عليكم ورحمة الله

ظهور الجروح على اطراف الاصابع ليس له علاقة بالانيميا..يمكنك مراجعة طبيب مختص بالاوعية الدموية اولا

بالنسبة للصداع انصحك بالاتي:

قياس قوة الابصار
الذهاب لطبيب الاسنان لفحص اسنانك
قياس ضغط الدم على الاقل مرتين
الذهاب لطبيب انف واذن
عمل صورة دم كاملة لمعرفة ان كان لديك انيميا او لا

اذا كان كل السابق طبيعيا اخبرني وسنقوم بشئ اخر ان شاء الله

[طبيبة مسلمة]

السلام عليكم ورحمة الله وبركاته
عندى استفسار عن مرض النقرس
وعلاقته بورم فى الأصبع الأكبر فى القدم اليسرى
ومريض بالضغط ثابت 100 / 110 على 170 / 160
وبعض الإرشادات عن الأطعمه فى تلك الحاله


وعليكم السلام ورحمة الله وبركاته

مرض النقرس ينتج عن زيادة حمض اليوريك (uric acid) في الدم..اما بسبب انتاجه في الجسم بكميات كبيرة مثل الافراط في تناول اللحوم الحمراء ... او عدم قدرة الجسم على التخلص منه وهذا له اسباب عده..تترسب املاح اليوريك في المفاصل وتسبب التهابها

بالنسبة لعلاقة المرض باصبع القدم الاكبر فقد وجد ان في كثير من الحالات يبدأ المرض في هذا الاصبع بالذات..وهذا غير معروف سببه

المريض بهذا المرض ينصح بالتقليل من تناول اللحوم الحمراء والكولا والحبوب المجففة ..ويمتنع عن تناول الاسبرين والادوية المدرة للبول...وينصح المريض بشرب كميات وفيرة من الماء وتقليل وزنه اذا كان يعاني من زيادة الوزن

وبالنسبة للعلاج الدوائي فهناك ادوية مسكنة ومذادة للالتهاب مثل الايبوبروفين..وايضا عقار الكولشيسين...وفي بعض الحالات الشديدة قد يضطر الطبيب لحقن المفصل المتضرر بالكورتيزون

**********

بالنسبة لسؤالك عن الضغط..اذا كان ضغط هذا المريض باستمرار هكذا فهو يعاني من ارتفاع ضغط الدم..وعليه فورا التوجه للطبيب ليصف له العلاج المناسب...

بالنسبة لمريض الضغط ينصح بالتقليل من الملح والمخللات والقهوة..والاطعمة الدسمة..بالاضافة لضرورة انقاص الوزن والامتناع عن التدخين وممارسة الرياضة بانتظام

[طبيبة مسلمة]

السلام عليكم
أنا زوجى مريض بمرض السكر
أتمنى منكم توضيح علاج المرض وطرق الوقايه والمحافظه على الصحه منه
وجزاكم الله خير


شفاه الله وعافاه

يمكنك الاطلاع على هذا الرابط به كل ماتحتاجين معرفته ان شاء الله

http://www.feedo.net/MedicalEncyclopedia/HealthAndChronicDiseases/Diabetes/Diabetes.htm (http://www.feedo.net/MedicalEncyclopedia/HealthAndChronicDiseases/Diabetes/Diabetes.htm)

[طبيبة مسلمة]

السلام عليكم ورحمة الله وبركاته
عندنى مشكله أن ولدى بيعانى من حصوه فى الكلى
وأريد علاج أو حل لتلك الحصوه وسبل الوقايه منها

وعليكم السلام ورحمة الله وبركاته

شفاه الله وعافاه

بالنسبة لاسباب حصوات الكلى فهي قد تكون سببها وراثي..او حدوث التهابات متكررة في مجرى البول..او الجفاف وعدم تناول كميات مناسبة من الماء والسوائل فيزيد تركيز الاملاح في البول وتتكون الحصوة

واحيانا تحدث الحصوات بسبب خلل في التمثيل الغذائي لبعض الاملاح مثل الاوكزالات او الاحماض الامينية مثل السيستين حيث ينتج الجسم هذه الاملاح او الاحماض بكمية كبيرة لايمكنها ان تذوب في البول فتتجمع وتسبب الحصوة

علاج الحصوة يعتمد على معرفة سبب تكوينها..يقوم الطبيب المعالج بعمل اختبارات دم وبول في المعمل، والاستفسار عن التاريخ المرضي للمريض والعادات الغذائية له. في حالة خروج الحصوة، يقوم الطبيب بفحصها لتحديد مكوناتها.

انصحي ولدك بشرب كميات كبيرة من الماء والسوائل لمنع تكوين حصوات اخرى..واذا كان يعاني من اي التهاب بمجرى البول يجب علاجه


بالنسبة لاستخراج الحصوة فهو يعتمد على حجمها ومكانها..بعض الحصوات الصغيرة يمكنها ان تخرج لوحدها..البعض يحتاج الى منظار..البعض الاخر يحتاج الى تفتيتها بالموجات الفوق صوتية...وعملية استخراج الحصوات حدث فيها تطور كبير وصار امرا سهلا فلا تقلقي

[طالبة المغفرة]

وعليكم السلام ورحمة الله وبركاته

شفاه الله وعافاه

بالنسبة لاسباب حصوات الكلى فهي قد تكون سببها وراثي..او حدوث التهابات متكررة في مجرى البول..او الجفاف وعدم تناول كميات مناسبة من الماء والسوائل فيزيد تركيز الاملاح في البول وتتكون الحصوة

واحيانا تحدث الحصوات بسبب خلل في التمثيل الغذائي لبعض الاملاح مثل الاوكزالات او الاحماض الامينية مثل السيستين حيث ينتج الجسم هذه الاملاح او الاحماض بكمية كبيرة لايمكنها ان تذوب في البول فتتجمع وتسبب الحصوة

علاج الحصوة يعتمد على معرفة سبب تكوينها..يقوم الطبيب المعالج بعمل اختبارات دم وبول في المعمل، والاستفسار عن التاريخ المرضي للمريض والعادات الغذائية له. في حالة خروج الحصوة، يقوم الطبيب بفحصها لتحديد مكوناتها.

انصحي ولدك بشرب كميات كبيرة من الماء والسوائل لمنع تكوين حصوات اخرى..واذا كان يعاني من اي التهاب بمجرى البول يجب علاجه


بالنسبة لاستخراج الحصوة فهو يعتمد على حجمها ومكانها..بعض الحصوات الصغيرة يمكنها ان تخرج لوحدها..البعض يحتاج الى منظار..البعض الاخر يحتاج الى تفتيتها بالموجات الفوق صوتية...وعملية استخراج الحصوات حدث فيها تطور كبير وصار امرا سهلا فلا تقلقي




شكرا على النصائح ووالدى جرب هذة النصائح والحمد للة الحصوة نزلت

[AbOzIeD]

السلام عليكم ورحمة الله وبركاته
أهلا بحضرتك دكتوره
وكل عام وحضرتك بخير
انا عندى أستفسر
لصديق
وأستفسار لى
أبدأ بالصديق ومش مهم أنا
هو الصديق بيصلى معانا الترويح
وجسمه يعنى مليان شويه
بس هوه من يومين كده حس بألم فى رجله الشمال
وانا عملت نفسى دكتور ساعتها
وقلت ليه ان بس علشان الصلاه بتطول وانه بيقعد فى التشهد الأخير على رجله
فا لسه الموضوع مستمر والألم موجود ياترى فى علاقه بالوزن
ولا ده تعب ولازم يروح لدكتور غيرى
هههههههههههه
وياتى انا مصيرى هيكون زى مصيره لو وزنى منزلش وبقيت نشيط شويه عن كده ههههههههه

اتمنى الرد من حضرتك
وجزاك الله خير

[طبيبة مسلمة]

وعليكم السلام ورحمة الله وبركاته

وانت بخير وصحة وسلامة

بالنسبة لالم القدم له اسباب كثيرة جدا

منها مثلما قلت الوزن الزائد

ولكن ارجو منك ان تسأله هذه الاسئلة حتى نعلم طبيعة الالم بالضبط:

اين موقع الالم بالضبط؟ هل هو في المفصل؟ ام العظم؟ ام في العضلة؟

مانوع الالم؟

هل الالم يزيد او يقل بشئ معين؟

هل يوجد اعراض اخرى مع الالم مثل سخونة او ورم في القدم؟

وان شاء الله يطلع الموضوع بسيط


انتو المفروض تستغلو شهر رمضان فرصة عشان تنزلو وزنكم...يعني صومو ووقت الفطار كلو كمية معقولة وحاولو تقاومو اكل الحلويات المسكرة اوي زي الكنافة والقطايف...رمضان فرصة فعلا لانقاص الوزن لو قاومتو شوية..وربنا معاكم

[AH.ELBADRAWY]

بسم الله الرحمن الرحيم

السلام عليكم ورحمة الله وبركاته

اول مرة ادخل القسم دة بس سعيد جدا بعمللك المساعد للاعضاء المنتدى

[طبيبة مسلمة]

وعليكم السلام ورحمة الله وبركاته

اهلا وسهلا بحضرتك

ده شئ يسعدني

ولو عندك اي سؤال او استفسار اكتبه وباذن الله تلاقي الاجابة

[KING LION]

بسم الله الرحمن الرحيم

السلام عليكم ورحمة الله وبركاته

الاول احب ان اشكركى يا طبيبة مسلمة على مجهودك العظيم

انا بصراحة كنت بشتكى من دموع كتيرة فى عينى مع الرشح من يومين ولما بطلع فى الشمس بحس بالم جامد ورحت لدكتور وقالى انى عندى فيرس
وما يسمى انفلونزا العين وهل هذا صحيح واية اللى اعملة مع هذا المرض



وشكرا على تعبك معانا

[طبيبة مسلمة]

وعليكم السلام ورحمة الله وبركاته

لا شكر على واجب اخي اسامة

هو اللي عندك ده اسمه في الطب conjunctivitis او التهاب ملتحمة العين...والملتحمة هي نسيج شفاف يغطي بياض العين والجفون من الداخل

http://www.shands.org/health/graphics/images/en/10137.jpg

وفي ناس كتير لما بيجيلهم برد بينتشر الفيروس لعينهم ويصيبها..وساعات بتيجي لوحدها

مادام انت معندكش اي افرازات في عينك يبقى ان شاء الله هي زي ماقال الدكتور التهاب فيروسي

في الحالة دي احنا مش بندي علاج لان الادوية المضادة للفيروسات غالية وبتتاخد للحالات الشديدة

فانت معلش استحمل شوية وهي هتروح

حاول متعرضش عينك للشمس والبس نظارة شمسية وانت خارج الظهر

ماتدعكش في عينيك عشان ميزيدش الالتهاب..

وياريت لو تاكل حاجات غنية بفيتامين أ و ب2 زي الجزر ومنتجات الالبان والطماطم والكبدة والبيض

شفاك الله وعافاك

[AbOzIeD]

وعليكم السلام ورحمة الله وبركاته

وانت بخير وصحة وسلامة

بالنسبة لالم القدم له اسباب كثيرة جدا

منها مثلما قلت الوزن الزائد

ولكن ارجو منك ان تسأله هذه الاسئلة حتى نعلم طبيعة الالم بالضبط:

اين موقع الالم بالضبط؟ هل هو في المفصل؟ ام العظم؟ ام في العضلة؟

مانوع الالم؟

هل الالم يزيد او يقل بشئ معين؟

هل يوجد اعراض اخرى مع الالم مثل سخونة او ورم في القدم؟

وان شاء الله يطلع الموضوع بسيط


انتو المفروض تستغلو شهر رمضان فرصة عشان تنزلو وزنكم...يعني صومو ووقت الفطار كلو كمية معقولة وحاولو تقاومو اكل الحلويات المسكرة اوي زي الكنافة والقطايف...رمضان فرصة فعلا لانقاص الوزن لو قاومتو شوية..وربنا معاكم


وعليكم السلام
أنا شاكر لحضرتك جدا على ردك
وتعليق حضرتك الأخير كان متعلق بسؤالى إلى قلت انى هسأله
بس نخليه قدام شويه علشان منطولش على حضرتك

أما عن أسئلتك
فهو مافيش أى مضاعفات ولا أى شىء
غير أنه لما بيقوم من التشهد بيحس بألم فى رجله اليسرى من الخلف فى ظهر الركبه وغير كده انه ممكن مبيقدر يدوس عليها وثوانى وبيروح وبيتكرر مع كل ركعه
ومافيش أى تغيرات فى رجله أو ورم أو أى شىء
شكرا لحضرتك وفى أنتظار ردك أن شاء الله
:110:
:clap::clap::clap:
:hapy::hapy::hapy::hapy:
:kkk:

[طبيبة مسلمة]

شفاه الله وعافاه

هي المشكلة هنا شكلها كده يا اما في اربطة الركبة او في عضلات الساق الخلفية تكون مشدودة او ملتهبة

هو احسن حاجة يعمل اشعة على الركبة عشان نتأكد برضو ان مفيهاش حاجة وبعدين يروح لدكتور عظام يفحصه كويس ويكتبله العلاج المناسب

ولحد ميروح للدكتور في مرهم حلو اسمه Fastum gel
ممكن يدهن منه كويس مكان الالم وان شاء الله يريحه

[AbOzIeD]

شفاه الله وعافاه

هي المشكلة هنا شكلها كده يا اما في اربطة الركبة او في عضلات الساق الخلفية تكون مشدودة او ملتهبة

هو احسن حاجة يعمل اشعة على الركبة عشان نتأكد برضو ان مفيهاش حاجة وبعدين يروح لدكتور عظام يفحصه كويس ويكتبله العلاج المناسب

ولحد ميروح للدكتور في مرهم حلو اسمه Fastum gel
ممكن يدهن منه كويس مكان الالم وان شاء الله يريحه


جزاك الله خير
طبيبة مسلمه
وبارك الله لك
وزادك علما

[KING LION]

بسم الله الرحمن الرحيم
اولا احب ان اشكرك على مجهودك العظيم

واشكركى جدا على ردك وهذا ان شاء من ميزان حسناتك
شكرا شكرا شكرا شكرا

http://abeermahmoud2006.jeeran.com/535-Jzakom.gif

http://sl.glitter-graphics.net/pub/344/344169wsbuhv2dvf.gif



http://sl.glitter-graphics.net/pub/73/73309nzzqmwq5by.gif

[طبيبة مسلمة]

جزاني الله واياكما اخواي احمد واسامة

لا شكر على واجب

[AbOzIeD]

السلام عليكم ورحمة الله وبركاته
أسف يا دكتوره
بس عندى أستفسار صغير
أختى الصغيره كده طول النهار زورها واجعها وهيه بتصوم وكده
ويعنى بعد الفطار بقت كويسه شويه
بس يعنى لو فى نصايح من حضرتك
لحاله أحتقان الزور وبالذات لو فى وقت الصيام
وفى الفطار
دمتى بخير

[طبيبة مسلمة]

وعليكم السلام ورحمة الله وبركاته

يا احمد مفيش داعي لكلمة اسف دي..بتتأسف على ايه

وبالنسبة لاختك الصغيرة هي حالة جفاف الحلق اللي عندها دي عندها على طول ولاهو في رمضان بس مع الصيام؟

[AbOzIeD]

وعليكم السلام ورحمة الله وبركاته

يا احمد مفيش داعي لكلمة اسف دي..بتتأسف على ايه

وبالنسبة لاختك الصغيرة هي حالة جفاف الحلق اللي عندها دي عندها على طول ولاهو في رمضان بس مع الصيام؟


جزاك الله خير
وهيه النهارده أن أول أشوف الموضوع ده وكانت قاعده جمبى وصعبانه عليه
وهيه صايمه ومش مظبطه خالص
وكل شويه تعيط وتقول زورى واجعنى
فا يعن قلت احنا عندنا طبيبه ربنا يبارك فيها وفى نصايحها
أشوف رأيها ايه
بس هيه بعد الفطار بقت كويسه شويه
وأخذت مضاد حيو هيكونسل 250

وهيه دلوقتى نايمه

دمتى بخير
وياريت برده لو بعض النصايح للى عندهم برد

[طبيبة مسلمة]

ربنا يشفيها ويعافيها


معلش هم الصغيرين كده ساعات بيهولو الامور شوية عشان مش بيقدرو يستحملو زينا...باذن الله تبقى حاجة بسيطة


هي مادام مسخنتش يبقى مش محتاجة تاخد مضاد حيوي دلوقتي

اللي عندها يبدو انه التهاب فيروسي والمضاد الحيوي مش هيعمله حاجة..

.هي بعد الفطار خليها تشرب حاجات سخنة حسب اللي هي بتحب تشربه...وكما اكلوها حاجات فيها فيتامين سي زي الطماطم والجوافة وعصير الليمون


في وصفة جميلة اوي ان شاء الله تنفهعا وكل اللي عندهم برد زي ما سألت..تجيب معلقتين كبار عسل اسود وتعصر عليهم نصف ليمون وتقلبهم كويس وتشربهم..كل يوم تشرب الخليط ده مرة..ان شاء الله خلال ايام قليلة هتخف خالص..انا عن نفسي بعمل كده وبيجيب معايا مفعول سريع جدا..هو صحيح طعمه جامد شوية بس سبحان الله مفيد جدا


طبعا متخلوهاش تنام تحت المروحة بالذات لو كانت عرقانة..وبلاش عصير ومية ساقعة وايس كريم


وكمان عشان متحسش انها عطشانة اوي اثناء الصيام خليها قبل الفجر تاخد معلقتين عسل ابيض


في كمان حبوب اسمها برادورال ممكن تجيبهالها من الصيدلية..الحبوب دي تحطها في بؤها وتمصها زي البونبوني كده مش بتتبلع..ان شاء الله تساعدها


ولو لاقدر الله سخنت ساعتها تاخد المضاد الحيوي لمدة سبع ايام ومش اقل من كده



****************


وبالنسبة للي عندهم برد ياخدو الوصفة المذكورة سابقا ويشربو حاجات دافية .. وبلاش يقعدو في مكان مكتوم..لازم تكون الغرفة اللي قاعدين فيها جيدة التهوية



في مسكن جميل اسمه Panadol cold and flu ممتاز جدا انه بيضيع اعراض البرد من تكسير الجسم والرشح والصداع



في ناس بتقول اللي عنده برد بلاش يستحمى بالذات في الشتا لحسن يبرد اكتر وده طبعا غلط...انا عن نفسي لما بيبقى عندي برد بعد ما اخد حمام بحس اني احسن


تناول الاطعمة الغنية بفيتامين أ و ب بتساعد على حماية الجهاز التنفسي


**************



وابقى طمني علي اختك...ربنا يشفيها ويخفف عنها

[AbOzIeD]

السلام عليكم ورحمة الله وبركاته
جزاك الله خير طبيبة مسلمة
على الرد
والحمد لله هيه بقت كويسه النهارده
ولا كأن فى حاجه ههههههههههه

وكان فى وصفه كنت بجربها انا بنفسى بس كانت للكحه
معلقة عسل أبيض وعليها ليمون
وأن شاء الله أجرب موضوع العسل الأسمر مع الليمون ده

وجزاك الله خير على توضيح وصفات البرد
دمتى بخير

[KING LION]

بسم اللة الرحمن الرحيم

معلش انا اسف طبيبة مسلمة على ازعاجك ولكنى فى حيرة
انا الحمد للة تحسسنت عينى والان لا احس باى الم ولكنى اكتشفت ان عينى المصابة اليسرى مقفولة عن عينى السليمة اليمنى وكمان لا انظر بها زى الاول واحس انى نظرى ضعيف مع انى كنت عامل اختبارت الحربية ونظرى كان 6على 6فهل الاصابة اللى كانت فى عينى المصابة هيا السبب فى ضعف نظرى ولو صحيح
قوليلى اية سبب ضيق العين المصابة واية سبب ضعف نظرى فجاة واية اللى اعملة علشان ارجع زى الاول


وانا عاجز عن الشكر واسف على وقتك

[طبيبة مسلمة]

مفيش داعي للاسف اخي اسامة

بالنسبة لمشكلة عينك دلوقتي انا مش هقدر اقولك عنها اي شئ لانها لازم تتفحص عشان نتأكد

لان ممكن يكون الالم صحيح راح لكن لسة العين فيها اثر للالتهاب هو ده اللي مخليك تحس انك مش عارف تشوف بيها كويس.. وكمان لما جفن العين بيكون ملتهب حتى لو ماكانش احمر او بيوجعك بيكون وارم و بيديك ايحاء ان عينك المصابة مقفولة عن العين التانية

وممكن يكون العين فيها افرازات بتغطيها وتحجب الرؤية شوية

فالاحسن انك تروح النهاردة لدكتور عيون كويس يفحص عينك كلها من جوه وبرا ويقيسلك قوة الابصار

وان شاء الله تكون حاجة بسيطة

[أبو تسنيم]

عندى سؤال
أبنتى تسنيم تعانى من فقدان الشهيه
مع العلم أننى قد أستخدمت معها الكثير من أدويه فواتح الشهيه
ولم تجدى

وعمرها الان سنتين وجزاكم الله خير

[AbOzIeD]

السلام عليكم
أشعر بصداع من بعد صلاه التروايح
وحاولت أن أخذ دش وأنام شويه معرفتش
فشربت كوبايه شاى وأخذت قرص ميجراسيد
ولسه الصداع مستمر

لو فى أى نصائح
أو دواء للصداع
وجزاك الله خير

[طبيبة مسلمة]

شفاك الله وعافاك يا تسنيم

فقدان الشهية أو ضعف الشهية فله أسباب عديدة منها: الأنيميا، أمراض الجهاز الهضمي، البولي. وقد يكون سببه نفسي او بسبب اصرار الام على ان يأكل الطفل نوع معين او كمية معينة من الطعام. او عدم شعور الطفل بالسعادة وعدم استمتاعه بتناول الطعام..لذا فلابد من إجراء بعض التحاليل مثل صورة الدم – نسبة الهيموجلوبين – تحليل بول كامل – تحليل براز كامل، وعلى ضوء نتائج هذه التحاليل نقرر إذا كانت تحتاج إلى علاج أم لا.

وحتى تقوم بعمل الفحوصات السابقة اليك هذه النصائح

. عدم إرغام الطفل على أكل الطعام هو أهم اسباب فقدانة الشهية للطعام وعلى الوالدين ان يدركا أن أطفالا مختلفين قد يكون لديهم قدرة مختلفة على الاكل ، بعضهم يأكل كثيرا و بعضهم يأكل قليلا ، لذا يجب الامتناع عن إجبار الطفل على أكل أنواع معينة أو كميات محددة من الطعام .
2. يجب ان تراعي الام ميول الطفل فيما يقدم له من أصناف الطعام ، ما يحب منها وما يكره .
3. يجب أن يسمح للطفل كلما كان ذلك ممكناً ان يساعد نفسه في عملية تناول الطعام.
4. يجب أن تقدم أنواع الاطعمة المختلفة للطفل في سن مبكرة .
5. يفضل الا يعطى للطفل شيئاً يأكله بين وجبات الطعام المختلفة .
6. يجب ان يكون الطعام الذي يقدم للطفل جذاباً من حيث الشكل و المذاق .
7. يفضل ألا يتناول الطفل طعامه وحيداً بل يتناوله مع الآخرين .

[أبو تسنيم]

شـكــ وبارك الله فيك ـــرا لك ... لك مني أجمل تحية . وجزاك الله خيرا"

[AbOzIeD]

السلام عليكم ورحمة الله وبركاته
الكحه يا دكتوره
أوقات كثيره بتحصل
يعنى انا فى اليومين إلى فاتوا كنت بحث بصداع متواصل
وبعدين لو كحيت كحه بحث بألم فى رأسى

انا كنت جربت وصفه للكحه عسل أبيض وعليه نقطتين ليمون
وكان بيجيب نتيجه كويسه
وكان فى دواء كده شرب هوه
هاحاول اجيب أسمه لحضرتك
لانى مش متذكره حاليا
بس يعنى السؤال
الكحه ايه هيه أضررها
وهل ليها علاقه بالشراين
وجزاك الله خير
وعندى سؤال أخر
إلى كنت أجلته من فتره لبعد رمضان
أنا فعلا نويت أعمل رجيم وارجع أمارس رياضه من جديد
بس المشكله انى زيدت الفتره إلى فاتت كميه كبيره
انا بس هتعب حضرتك معااي
انا عايز برنامج أمشى عليه
غذائى مثلا
طبعا ونصايح من حضرتك والقليل من المتابعه
وانا أكيد هاجيب وزنى لحضرتك وطولى لو هتعملي ليه البرنامج ان شاء الله
منتظر رد حضرتك

[طبيبة مسلمة]

السلام عليكم ورحمة الله وبركاته

اعتذر للتاخير في الرد لاني كنت مشغولة جدا اليومين اللي فاتو

بالنسبة للصداع اي حد بيجيله صداع مستمر بننصحه يعمل الاتي:

يقيس الضغط..على الاقل 3 مرات 3 ايام ورا بعض

يقيس قوة الابصار

يكشف انف واذن لان ساعات الجيوب الانفية الملتهبة بتعمل صداع

يكشف اسنان لان امراض الاسنان ممكن تعمل صداع

تعمل صورة دم كاملة CBC لان الانيميا بتعمل صداع

لو طلع كل ده طبيعي بنتصرف في اتجاهات اخرى

**************

بالنسبة للكحة بذات نفسها ملهاش تأثير على الشرايين الا في بعض الناس اللي عندهم ضعف في الشرايين في اماكن معينة ممكن الكحة تخلي المكان الضعيف ده ينفجر ويحصل نزيف داخلي..بس ده زي مقلت بيحصل لناس معينة عندهم شئ معين بيضعف الشريان وهبقى اشرحلكم ده بالتفصيل بعدين باذن الله..كلامي طبعا مش معناه ان الناس تخاف لان ده قليل اوي

..بعض الامراض اللي بتسبب الكحة بيكون لها تاثير على الشرايين اللي خارجة من القلب لكن مش الكحة نفسها السبب لا ده المرض نفسه..فانت متقلقش على نفسك

المهم لو الكحة عندك مزمنة لازم نعرف سببها ايه..هل هي حساسية ولا نزلات شعبية متكررة ولا من البردولا ايه بالزبط فلازم تروح لدكتور امراض صدرية يكشف عليك ولو تعمل اشعة صدر كمان يبقى كويس

بالنسبة للريجيم انا هحاول اعملك برنامج كويس باذن الله..ربنا ييسر النهاردة بالليل او بكرة

[طبيبة مسلمة]

السلام عليكم ورحمة الله وبركاته

بالنسبة للنظام الغذائي اللي انت عايز تمشي عليه

عايزين نبدا بالراحة ونتدرج شوية شوية عشان متتعبش وتسيب الريجيم



اولا...ممنوع اكل الحلويات زي الجاتوه والشوكولاته والبسبوسة والكنافة والحاجات دي..كمية السكريات فيها كبيرة جدا ولازم توقفها..ولو عايز تاكل حاجة مسكرة كل فاكهة بس مش باسراف خاصة الفاكهة المسكرة اوي زي التين والبلح

ثانيا..نقلل كمية النشويات..يعني لو انت بتاكل طبق ارز على الغداء تقلل الكمية للنصف..ونستمر على كده اسبوعين وبعدين نقلل تاني

ثالثا..ممنوع اكل العيش الفينو..تاكل العيش البلدي العادي ولو عايز تاكل عيش فينو في دلوقتي عيش فينو معمول بالردة للريجيم لو متوفر في المخابز عندكم كل منه

رابعا..لو بتحب المكرونة تاكل منها كمية قليلة..انا مش عايزة امنعك منها دلوقتي عشان ميبقاش الموضوع صعب عليك

خامسا...ممارسة الرياضة كل يوم


باذن الله هنتابع النظام يوميا...تدخل تقولي كلت ايه وعملت رياضة ولا لا

شد حيلك بأى والتزم عشان وزنك ينزل باذن الله..وربنا معاك

[AbOzIeD]

السلام عليكم ورحمة الله وبركاته

اعتذر للتاخير في الرد لاني كنت مشغولة جدا اليومين اللي فاتو

بالنسبة للصداع اي حد بيجيله صداع مستمر بننصحه يعمل الاتي:

يقيس الضغط..على الاقل 3 مرات 3 ايام ورا بعض

يقيس قوة الابصار

يكشف انف واذن لان ساعات الجيوب الانفية الملتهبة بتعمل صداع

يكشف اسنان لان امراض الاسنان ممكن تعمل صداع

تعمل صورة دم كاملة CBC لان الانيميا بتعمل صداع

لو طلع كل ده طبيعي بنتصرف في اتجاهات اخرى

**************

بالنسبة للكحة بذات نفسها ملهاش تأثير على الشرايين الا في بعض الناس اللي عندهم ضعف في الشرايين في اماكن معينة ممكن الكحة تخلي المكان الضعيف ده ينفجر ويحصل نزيف داخلي..بس ده زي مقلت بيحصل لناس معينة عندهم شئ معين بيضعف الشريان وهبقى اشرحلكم ده بالتفصيل بعدين باذن الله..كلامي طبعا مش معناه ان الناس تخاف لان ده قليل اوي

..بعض الامراض اللي بتسبب الكحة بيكون لها تاثير على الشرايين اللي خارجة من القلب لكن مش الكحة نفسها السبب لا ده المرض نفسه..فانت متقلقش على نفسك

المهم لو الكحة عندك مزمنة لازم نعرف سببها ايه..هل هي حساسية ولا نزلات شعبية متكررة ولا من البردولا ايه بالزبط فلازم تروح لدكتور امراض صدرية يكشف عليك ولو تعمل اشعة صدر كمان يبقى كويس

بالنسبة للريجيم انا هحاول اعملك برنامج كويس باذن الله..ربنا ييسر النهاردة بالليل او بكرة



جزاك الله خير
على ردك والحمد لله أنتهت كل الأعراض
والحمد لله أصبحت بخير
أشكرك مره أخرى

[AbOzIeD]

السلام عليكم ورحمة الله وبركاته

بالنسبة للنظام الغذائي اللي انت عايز تمشي عليه

عايزين نبدا بالراحة ونتدرج شوية شوية عشان متتعبش وتسيب الريجيم



اولا...ممنوع اكل الحلويات زي الجاتوه والشوكولاته والبسبوسة والكنافة والحاجات دي..كمية السكريات فيها كبيرة جدا ولازم توقفها..ولو عايز تاكل حاجة مسكرة كل فاكهة بس مش باسراف خاصة الفاكهة المسكرة اوي زي التين والبلح

ثانيا..نقلل كمية النشويات..يعني لو انت بتاكل طبق ارز على الغداء تقلل الكمية للنصف..ونستمر على كده اسبوعين وبعدين نقلل تاني

ثالثا..ممنوع اكل العيش الفينو..تاكل العيش البلدي العادي ولو عايز تاكل عيش فينو في دلوقتي عيش فينو معمول بالردة للريجيم لو متوفر في المخابز عندكم كل منه

رابعا..لو بتحب المكرونة تاكل منها كمية قليلة..انا مش عايزة امنعك منها دلوقتي عشان ميبقاش الموضوع صعب عليك

خامسا...ممارسة الرياضة كل يوم


باذن الله هنتابع النظام يوميا...تدخل تقولي كلت ايه وعملت رياضة ولا لا

شد حيلك بأى والتزم عشان وزنك ينزل باذن الله..وربنا معاك



أسف على التأخير فى الرد
والمتابعه
كانت هناك بعض الظروف تمنعنى من التواجد والمتابعه
ولكن الحمد لله الأن أصبحت بخير
وشاكر جدا لمجهود حضرتك
وسأتابع من الأن ان شاء الله

وسأقوم بإعداد موضوع خاص للرجيم
والمتابعه فيه
علشان لو حد حب يبدأ معايا من الأعضاء وأهو نشجع بعض
أكثر.
جزاك الله خير
:lulu15:

[AbOzIeD]

الموضوع الخاص بمتابعه الرجيم بحيث يكون منفصل عن موضوع تلقى الأسئله الطبيه
وجزاك الله خير للإستجابه
http://www.eltahady.com/vb/showthread.php?t=10522

[طبيبة مسلمة]

السلام عليكم ورحمة الله وبركاته

الحمد لله على سلامتك

ان شاء الله نتابع الريجيم في الموضوع الثاني

[AbOzIeD]

السلام عليكم ورحمة الله وبركاته

الحمد لله على سلامتك

ان شاء الله نتابع الريجيم في الموضوع الثاني

الله يسلم حضرتك وشكرا على السؤال
وان شاء الله اتابع فى الرجيم
:lulu15::lulu15:

[cappo]

سؤال انا لما بقف أحس براحه فى رجلى وساعه لما اقعد رجلى توجعنى فا ده سببه ايه

وعندنى أبن خالتى طفل صغير عنده فطريات فى فمه وهوه لسه بيرضع ياترى أيه النصايح علشان والدته تهتم بيه

[cappo]

سؤال انا لما بقف أحس براحه فى رجلى وساعه لما اقعد رجلى توجعنى فا ده سببه ايه

وعندنى أبن خالتى طفل صغير عنده فطريات فى فمه وهوه لسه بيرضع ياترى أيه النصايح علشان والدته تهتم بيه

[طبيبة مسلمة]

سؤال انا لما بقف أحس براحه فى رجلى وساعه لما اقعد رجلى توجعنى فا ده سببه ايه

وعندنى أبن خالتى طفل صغير عنده فطريات فى فمه وهوه لسه بيرضع ياترى أيه النصايح علشان والدته تهتم بيه

شفاكما الله وعافاكما

بالنسبة للرجلك انهي حتة اللي بتوجعك بالزبط...والوجع ده شكله ايه
وهي بتوجعك الحتة دي لما تقعد قعدة معينة او اي جلوس وخلاص؟
وهل اتخبطت فيها قبل كده؟؟


بالنسبة لابن خالتك هبعتلك خلي والدته تجيبله daktarin oral gel ده مرهم تدهن منه في فم ابنها كل يوم.. هتلاقيه مع المرهم معلقة تملا ربعها وتدهن في فم ابنها كويس مرة كل 6 ساعات

وهبعتلك في رسالة شوية نصائح للام

[روبى العسل]

السلام عليكم هاى طبيبه عندى ليك سؤال لولبى بخصوص مرض التيفود يا هل ترى لو اصاب طفل عمره 5 سنين بيكون معدى ؟ طيب لو فى حقن اتكتبت له ياخد نص حقنه واخدها كامله ده له اثر سلبى ياريت الرد ياقمر؟

[cappo]

شكرا على سرعة الإستجابة والرد
ورجلى الألم بيكون فى العضلات فى سمانه الرجل اليسرى ولم أخبط او اتعرض لإصابه مسبقا
واكيد هاقول لخلتى على النصايح دى وهنجيب العلاج ولو حاجه جدت هنقولها تانى وشكرا

[طبيبة مسلمة]

السلام عليكم هاى طبيبه عندى ليك سؤال لولبى بخصوص مرض التيفود يا هل ترى لو اصاب طفل عمره 5 سنين بيكون معدى ؟ طيب لو فى حقن اتكتبت له ياخد نص حقنه واخدها كامله ده له اثر سلبى ياريت الرد ياقمر؟

السلام عليكم ورحمة الله وبركاته

اسفة يا روبي على التاخير في الاجابة

تتم العدوى بالتيفود عن طريق الجهاز الهضمي، عن طريق وجود البكتريا في طعام ملوث بها أو ماء أو عن طريق براز المريض والذي يحتوى على تركيز عالٍ من هذه البكتريا ويحمل حوالي 3 - 5% من المرضي البكتريا المسببة لها بعد انتهاء الحالة المرضية

عشان كده الطفل بيكون معدي بالطريقة السابقة

بالنسبة للحقنة اللي خد منها جرعة زيادة بيحتلف حسب نوع الدوا نفسه

[طبيبة مسلمة]

شكرا على سرعة الإستجابة والرد
ورجلى الألم بيكون فى العضلات فى سمانه الرجل اليسرى ولم أخبط او اتعرض لإصابه مسبقا
واكيد هاقول لخلتى على النصايح دى وهنجيب العلاج ولو حاجه جدت هنقولها تانى وشكرا

العفو يا cappo

بالنسبة لرجلك انا هكتبلك مرهم تستخدمه عليها ونشوف لو في تحسن او لا

المرهم اسمه olfen
تدهن منه مرتين يوميا على رجلك كويس...شفاك الله وعافاك

[AbOzIeD]

السلام عليكم ورحمة الله وبركاته
انا النهارده وبقالى كام يوم كده بحس بألم فى رقبتى أول ما أقوم من النوم
كأنت أخدت قراص ميلوجين
بس مش عارف لسه فى ألم
فا لو فى نصايح
ولو مافيش أروح لدكتور تخصص ايه مثلا
جزاك الله خير

[طبيبة مسلمة]

وعليكم السلام ورحمة الله وبركاته

شفاك الله وعافاك

الالم ده فين بالزبط في الرقبة وشكله ايه؟
وانت نايم بتنام على كام مخدة؟

[AbOzIeD]

وعليكم السلام ورحمة الله وبركاته

شفاك الله وعافاك

الالم ده فين بالزبط في الرقبة وشكله ايه؟
وانت نايم بتنام على كام مخدة؟


جزاك الله خير
فى الرقبه من اليمين
سعات واحده وسعات اثنين
مره ومره
على حسب

[طبيبة مسلمة]

جزاني الله واياك

شوف يا احمد هو النوم على مخدات عالية وكمان الهوا والبرد كل ده بيعمل الم في الرقبة

فانا عايزاك تنام على مخدة واحدة بس ومتكونش ناشفة اوي..ولو بتنام والمروحة متسلطة عليك او بتكون عالية يبقى تبعدها عنك وتخليها هوا خفيف ... ولو بتنام تحت الشباك ابقى اقفله لان الجو دلوقتي بالليل برد

لما تصحى من النوم لو لقيت نفسك عرقان متقومش من السرير مرة واحدة...قوم بالتدريج والبس روب او حاجة عشان الهوا البارد صباحا ميجيش على جسمك ويبردك

في كريم اسمه مووف علبته حمرا ابقى هاته وادهن منه مكان الالم مرتين يوميا

ونشوف باذن الله لو في تحسن ولا لا

شفاك الله وعافاك

[AbOzIeD]

جزاني الله واياك

شوف يا احمد هو النوم على مخدات عالية وكمان الهوا والبرد كل ده بيعمل الم في الرقبة

فانا عايزاك تنام على مخدة واحدة بس ومتكونش ناشفة اوي..ولو بتنام والمروحة متسلطة عليك او بتكون عالية يبقى تبعدها عنك وتخليها هوا خفيف ... ولو بتنام تحت الشباك ابقى اقفله لان الجو دلوقتي بالليل برد

لما تصحى من النوم لو لقيت نفسك عرقان متقومش من السرير مرة واحدة...قوم بالتدريج والبس روب او حاجة عشان الهوا البارد صباحا ميجيش على جسمك ويبردك

في كريم اسمه مووف علبته حمرا ابقى هاته وادهن منه مكان الالم مرتين يوميا

ونشوف باذن الله لو في تحسن ولا لا

شفاك الله وعافاك

السلام عليكم ورحمة الله وبركاته
دلوقتى معنتش بشغل مروحه خالص
لان الجو بيكون برد عندنا ومش مستتعدى مروحه وسعات كمان بيكون فى غطاء لو البرد زاد

اما النوم فا هتبع تعليمات حضرتك فيه
وهاشوف
وهحاول أجيب المرهم أن شاء الله دلوقتى وأجرب منه
لان فعلا الموضوع مضايقنى ومخلنى أكسل فى الرياضه
رغم انى لسه منتظمتش فى التمارين يعنى العيب مش من التمارين
كلها تمارين خفيف ومن غير اوزان
أن شاء الله يكون خير
وجزاك الله خير على ردك
وجعله فى ميزان حسناتك

[hanaa]

السلام عليكم ورحمة الله وبركاته

اختي العزيزة طبيبة مسلمة احب قبل ان اطرح سؤالي ان اشكرك على مجهودك
فجزاك الله عنا كل خير وباك الله فيك ووفقك الى ما فيه الخير دائما

سؤالي اليوم هو حالة حيرتني وحيرت 5 اطباء اخصائين امراض العيون
ساحاول ان اصف لك الحالة بالظبط فربما اجد عندك جواب لتسائلاتي واستفسراتي
المرض بدا تقريبا من اربع سنوات
يبدا باحمرار في العين وبعض الالم وايضا صعوبة راية كل ما هو قريب مني مثلا {تقريب يدي مني يحسسني بالم}
ايضا ضباب يزيد كل يوم لدرجة انه يصعب عليا رايت الحروف في كتاب او تحديد أي شيء قريب او بعيد
في المرات الاولى كان يصيب عينايا الاثنتين لكن بعد ذلك بدا ياتي كل مرة في عين وممكن العين التانية يكون خفيف
وحسب تقدري فهو ياتي كل ستة شهور تقريبا ما بين شهر 5 و6 وما بين شهر 10 و11 وهذا في كل سنة منذ اربع سنوات
سؤالي لكل الاطباء الذين سبق واستشرتهم ما السبب وكيف السبيل لمعالجته نهائيا الاجابة دائما تاتي غير مقنعة
أي ان المرض موجود لكن اسبابه غير معروفة بالتحديد وانه 80 في المئة من هذه الحالات لا يعرف لها سبب
وقد قمت بعمل كل الفحوصات والتحاليل التي طلبت مني من قبلهم جميعا والحمد لله لم يجدوا شيئا
طرحت عليهم العوامل التي قد يمكن ان تكون السبب مثلا { اشعة الكمبيوتر – تغيير الجو - }لكن الاجابة تاتي بانه لا علاقة له بذلك
يوصف لي علاج في كل مرة اتابعه الى ان تنتهي الحالة في ابداية كان العين تشفى في اسبوعين تقريبا اما الان فممكن تستمر فترة العلاج ما بين الشهر او شهر ونصف
اخر طبيب وصف لي حقن داخل العين وبما اني لم اسمع بها من قبل فقد ارعبتني الا ان توكلت على الله وكانت 3 واحدة كل اسبوع
بعد العلاج تعود العين الى طبيعتها مع اني احس بعض الاحيان ان نظري قل لكن الحمد لله نتيجة فحص النظر كويسة وطبيعية ولكن اخاف اي يكون هناك تاثير على العين في كل مرة والنظر يقل فعلا



ارجو ان اكون قد شرحت لك الحالة وانتظر اجابتك وجزاك الله كل خيرا

[طبيبة مسلمة]

وعليكم السلام ورحمة الله وبركاته

جزاني الله واياك حبيبتي هناء

هي الحالة فعلا محيرة...يعني الحالات اللي العين بتتاثر فيها موسميا دي درست انها بتبقى انواع من الحساسية...لكن ان شاء الله هحاول اعرض حالتك على احد الاطباء المتخصصين

عايزاكي تكتبيلي اسماء الادوية اللي بتاخديها بما فيهم الحقن

شفاك الله وعافاك عزيزتي

[hanaa]

السلام عليكم ورحمة الله وبركاته

جزاك الله كل خير طبيبة مسلمة على ردك واعتذر عن التاخير في الرد
اسماء الادوية التي اتابعها حاليا بعد اخر كشف هي


MYDRIATICUM 0.5%
VEXOL 1%
TOBRADEX

بالنسبة للحقن فانا هبقى اجيب اسمها بعدين ان شاء الله لاني مش محتفظة بالاسم
وايضا هناك ادويةاخرى اخدتها من قبل مثل

PREDNI 20


جزاك الله كل خير على مجهودك وفي انتظار الاجابة

[طبيبة مسلمة]

وعليكم السلام ورحمة الله وبركاته

الف سلامة عليكي يا جميل

ان شاء الله هشوف حد كويس اساله

[AbOzIeD]

السلام عليكم ورحمة الله وبركاته
ألف سلامه عليكى ياهناء
وربنا يتمم شفائك على خير

[hanaa]

وعليكم السلام ورحمة الله وبركاته

الف سلامة عليكي يا جميل

ان شاء الله هشوف حد كويس اساله



الله يسلمك وشكرا لاهتمامك
واسفة لاني بتعبك معايا
وجزاك الله عني كل خير

[hanaa]

السلام عليكم ورحمة الله وبركاته
ألف سلامه عليكى ياهناء
وربنا يتمم شفائك على خير


وعليكم السلام ورحمة الله وبركاته

الله يسلمك ابوزيد وجزاك الله كل خير على الدعاء

بالتوفيق ودمت بخير

[يويا]

السلام عليكم ورحمة الله وبركاته
انا عضوه جديده و انا عايزه اتخن فا أعمل ايه
وياترى عندكم حل
لان عمرى 16 سنه ووزنى 50 كيلوا وطولى 165

[يويا]

كمان ماما عندها الضغط وبابا عنده السكر ماما ديما ببتكون دايخه والضغط بيكون مش كويس تعمل ايه وبابا سعات برضه السكر بيزيد كتير يعمل ايه

[طبيبة مسلمة]

وعليكم السلام ورحمة الله وبركاته

اهلا بيكي يا يوتا

بصي انتي وزنك كده كويس...ولو عايزة تتخني شوية العبي رياضة تبني بيها العضلات بحيث ان وزنك يزيد بطريقة صحية
يعني مش بقولك تبقى عضلاتك كبيرة اوي بس تملا شوية وتساعدك تزيدي في الوزن
لكن اياكي تاكلي حلويات وتقولي عشان اتخن حبة كده غلط على صحتك



بالنسبة للسكر لازم والدك يزبط جرعة العلاج مادام هو دايما السكر بيعلى عنده وده بيبقى بعمل تحليل والمتابعة مع الدكتور بتاعه
وكمان لازم يلتزم بنظام اكل صحي ويبعد عن الحاجات اللي بتعلي السكر, يعني خدي بالك من اكله
وساعات العصبية والزعل كمان بتعلي السكر فحاولو متخلهوش يتعصب او يزعل
طبعا لازم الكلام ده يتنفذ بسرعة لان السكر العالي ده غلط على صحته


بالنسبة لوالدتك هي ضغطها بيعلى ولا بيوطى؟

والف سلامة عليهم جميعا :)

[AbOzIeD]

السلام عليكم
عندى سؤال
انا ليه عمتى عمرها 58 سنه
وزنها 160
هيه مريضه بالسكر
والقلب
والضغط عالى عندها

حاليا السكر والضغط مظبوطين
ولكن سعات بتشتكى من نفسها ومن المجهود القليل لو عملته لان طبعا الوزن كبير والحركه منعدمه
هيه طبعا صعب انها تخس او تعمل اى رياضه
ولكن هيه عايزه نصايح وتوجيهات علشان تقدر انها تتوافق مع الواقع ومع الحياه
وعلشان طبعا باقى الأمراض إلى موجوده عندها
إلى هيه سبق ذكرها زى القلب والسكر

وهيه حاليا بتشتكى من ألم فى الركبه اليمين والشمال
وعلشان تقدر تقوم او تقف او تعمل حاجه بتحس بألم كبير
وده جديد عليها مكنش موجود قبل كده

الصراحه انا مش عارف اقول ايه بس الى حصل وسبب الأسئله دى هو ان أغلب العائله مريض
وانا ديما احب اشوفهم بخير

فا نتمنى من حضرتك الرد
وطبعا متزهقيش من الأسٍئله
لان لسه فى حالات أخرى لسه هسأل عنها

ولو عايزه فيزيتا انا تحت امرك

[يويا]

شكرا على الرد بس انا كده عايزه اتخن شويه حاسه انى رفيعه حتى كله بيقولى كده يعنى لو فى وصفه او اكله او اى شىء انا قريت هنا من شويه موضوع عن الغذاء بس كله كويس فا اكل من الأكل ده ولا ايه وكمان انا مبعرفش ادخل نت كل يوم بدخل يا الجمعه يا كل جمعتين مره
فا لو فى رد يكون النهارده علشان اعمل بيه وشكرا على نصيحه بابا هاقوله عليها لان هوه عصبى ديما ماما الضغط بتعها بيعلى

[طبيبة مسلمة]

بصي يا يوتا الرياضة بالنسبالك هتنفعك اوي
ومادام انتي قرأتي موضوع الاكل وعجبك ابقي نفذي التعليمات اللي فيه

***********

بالنسبة للضغط العالي عند الوالدة هي كده لازم تاخد علاج مينفعش تفضل كده ضغطها عالي
لازم تروح للدكتور عشان يبدا يديها علاج مناسب ليها ويتابع معاها

انا اعرف العلاج بس مينفعش اكتبهولك هنا لان الموضوع محتاج متابعة دكتور جنبها..فوديها للدكتور

وربنا يخفف عنها

[طبيبة مسلمة]

بالنسبة لحالة عمتك يا احمد-شفاها الله وعافاها- هي محتاجة تنظم اكلها عشان الوزن يقل
يعني انصحها تبعد تماما عن الاكل الدسم والسكريات وتاكل خضار كتير...يعني لو تقدرو تاكلوها مسلوق ومشوي بس يبقى احسن كتير حتى لو هي مش متقبلاه في الاول بس هتتعود عليه

انا معرفش حالة القلب اللي عندها ايه بالزبط...لكن النهجان اللي عندها ممكن يكون من الوزن وقلة الحركة وممكن طبعا مرض القلب نفسه يسببه
ولو موضوع النهجان ده بيزيد يبقى لازم تروح للدكتور وتعمل اشعة تلفزيونية على القلب عشان نطمن..ويزبطلها العلاج بمعرفته


وبالنسبة للركبة غالبا اللي عندها ده بسبب هشاشة العظام والتهاب المفاصل اللي بيصيبو كبار السن.. والموضوع هيزيد عندها لانها مش بتتحرك والحركة ضرورية للحفاظ على بناء العظام

فياريت تودوها لدكتور عظام او روماتيزم عشان يكتبلها العلاج المناسب لحالتها وتفهموه انها مريضة بالقلب والضغط والسكر عشان يديها علاج مناسب للي عندها
وغالبا هيكتبلها اقراص كالسيوم وفيتامين د وممكن ادوية اخرى تقلل من هشاشة العظام .. وياريت تخلوها تشرب لبن كل يوم المهم ميكونش دسم


*********

الشخص المريض ممكن يعمل حاجات كتير ترفع من روحه المعنوية...يعني حتى لو هي مش بتقدر تتحرك كتير ممكن تجيبولها كرسي تقعدوها عليه وتمشوها برا البيت...تقعدوها في البلكونة..المهم غلط جدا رقدة السرير دي على طول

لو في اي مناسبة في العيلة حاولو تودوها تحضر ولو تقعد حبة صغيرة هتفرق معاها جامد

ممكن تبقو كل فترة تتجمعو عندها في البيت وتعملولها حفلة صغيرة واخترعو اي مناسبة ليها

لو هي بتحب تقرا هاتولها الكتب اللي بتحبها واقعدو اقرو معاها

ربنا يخفف عنها ويشفيها

***********

[منتديات التحدى]

شكرا على المجهود وبالتوفيق للجميع
ويكون الجميع بخير وصحه وعافيه

[طبيبة مسلمة]

merci beaucoup

[AbOzIeD]

بالنسبة لحالة عمتك يا احمد-شفاها الله وعافاها- هي محتاجة تنظم اكلها عشان الوزن يقل
يعني انصحها تبعد تماما عن الاكل الدسم والسكريات وتاكل خضار كتير...يعني لو تقدرو تاكلوها مسلوق ومشوي بس يبقى احسن كتير حتى لو هي مش متقبلاه في الاول بس هتتعود عليه

انا معرفش حالة القلب اللي عندها ايه بالزبط...لكن النهجان اللي عندها ممكن يكون من الوزن وقلة الحركة وممكن طبعا مرض القلب نفسه يسببه
ولو موضوع النهجان ده بيزيد يبقى لازم تروح للدكتور وتعمل اشعة تلفزيونية على القلب عشان نطمن..ويزبطلها العلاج بمعرفته


وبالنسبة للركبة غالبا اللي عندها ده بسبب هشاشة العظام والتهاب المفاصل اللي بيصيبو كبار السن.. والموضوع هيزيد عندها لانها مش بتتحرك والحركة ضرورية للحفاظ على بناء العظام

فياريت تودوها لدكتور عظام او روماتيزم عشان يكتبلها العلاج المناسب لحالتها وتفهموه انها مريضة بالقلب والضغط والسكر عشان يديها علاج مناسب للي عندها
وغالبا هيكتبلها اقراص كالسيوم وفيتامين د وممكن ادوية اخرى تقلل من هشاشة العظام .. وياريت تخلوها تشرب لبن كل يوم المهم ميكونش دسم


*********

الشخص المريض ممكن يعمل حاجات كتير ترفع من روحه المعنوية...يعني حتى لو هي مش بتقدر تتحرك كتير ممكن تجيبولها كرسي تقعدوها عليه وتمشوها برا البيت...تقعدوها في البلكونة..المهم غلط جدا رقدة السرير دي على طول

لو في اي مناسبة في العيلة حاولو تودوها تحضر ولو تقعد حبة صغيرة هتفرق معاها جامد

ممكن تبقو كل فترة تتجمعو عندها في البيت وتعملولها حفلة صغيرة واخترعو اي مناسبة ليها

لو هي بتحب تقرا هاتولها الكتب اللي بتحبها واقعدو اقرو معاها

ربنا يخفف عنها ويشفيها

***********

حزاك الله خيرا يا دكتوره
والله الكل بيدعى لحضرتك
يوم ما بعت الأستفسار ده
كا ن طلبها على فكره
وكانت كل العائله مجتمعه
لما شفتنى عامل رجيم فى أخر زياره ليها ومردتش أكل غير برتقاله
وجت عندنا تانى يوم لان الجمعه ديما متعودين اسمه يوم العائله
فا قالت ليه اسأل حضرتك
والإجابه أتقرئت على الجميع
فا الشكر امانه لازم كنت انقلها
بس هوه يعنى حضرتك ممكن اكون موضحتش قوى
هيه مش مقعده هيه بتتحرك
بس يادوب كل ججمعه بس عندنا وبجبها بالعربيه
وهيه زوجها متوفى من سنه تقريبا
بس هيه فعلا ركبتها جديد الألم عليها
فا الحركه بقت اقل
وان شاء الله نتبع نصايحك
ديما
واكيد هنوديها تعمل التحاليل وتعيد الكشف قريب
وجزاكى الله كل خير
ومعلش بنتقل على حضرتك شويه
بس والله هما إلى بقوا يطلبوا منى
ربنا يوفقك ويحميكى ده كان جزء من دعوتها لكى

[طبيبة مسلمة]

جزاكم الله خيرا جميعا
لاشكر على واجب
ومتشكرة اوي على الدعاء

[AbOzIeD]

السلام عليكم ورحمة الله وبركاته
اشعر ببعض الألم فى زورى
اكنه مجروح كده
مش عراف ايه السبب
اخد مضاد حيوى

[طبيبة مسلمة]

لا لا

متاخدش مضاد حيوي دلوقتي

خد العسل والليمون اللي قلنا عليه قبل كده
واشرب حاجات سخنة

ان شاء الله تبقى احسن

[AbOzIeD]

لا لا

متاخدش مضاد حيوي دلوقتي

خد العسل والليمون اللي قلنا عليه قبل كده
واشرب حاجات سخنة

ان شاء الله تبقى احسن


خلاص ماشى
أن شاء الله
بس هوه الموضوع من الصبح
وقلت مثلا يمكطن علىب اليل الوضع كيون كويس
علشان عدم الأكل امبارح
وشربت شاى ساخن
بس مجبش نتيجه
فا هجرب واقول لحضرتك ان شاء الله

[AbOzIeD]

السلام عليكم هوه زورى بقى كويس الحمد لله
النهارده
بس طبعا الحراره طلعت على شفايفى
هيه اسمها حراره برضه ولا اسمها ايه
وكمان حاسس بصداع

وسؤال تانى
بحس ان شفيفى ممكن يكون فيها شعطان كده
انا دلوقتى جبت زبده كاكاو علشان استعملها
ياترى حل مناسب

[طبيبة مسلمة]

السلام عليكم ورحمة الله وبركاته

طيب الحمد لله

عايزاك تاخد النهاردة عسل ولمون تاني عشان ميرجعش الوجع باذن الله

وبالنسبة لشفايفك انا مش عارفة يعني ايه شعطان دي..أول مرة اسمع التعبير ده

انت ممكن تحط زبدة الكاكاو عادي وممكن تحط على صباعك نقطة عسل ابيض وتدهن شفايفك بيها
ومتقلقش دي حاجة بتحصل في الشتا عادي وبتروح على طول باذن الله

[AbOzIeD]

السلام عليكم ورحمة الله وبركاته

طيب الحمد لله

عايزاك تاخد النهاردة عسل ولمون تاني عشان ميرجعش الوجع باذن الله

وبالنسبة لشفايفك انا مش عارفة يعني ايه شعطان دي..أول مرة اسمع التعبير ده

انت ممكن تحط زبدة الكاكاو عادي وممكن تحط على صباعك نقطة عسل ابيض وتدهن شفايفك بيها
ومتقلقش دي حاجة بتحصل في الشتا عادي وبتروح على طول باذن الله


وعليكم السلام ورحمة الله وبركاته
خلاص ان شاء الله
انا قصدت بشعطان
لانى معرتش اعبر
يعنى
ههههههههههه
فا الكلمه دى هيه إلى جت على بالى
يعنى اقصد بيكون فى آلم كده فيهم او مضايقينى
ان شا ءالله اعمل حكايه العسل
وكمان اواظب على زبده الكاكوا علشان البرد
وكده
ربنا ييسر
وجزاك الله خير

[رأفت يسرى]

انا سمعت ان الكشف عندكم ببلاش قالى الرسيم بدام تعبان ابقى اسأل هنا وهتلاقى حل
فأنا عندى برد فى بطنى وتعبانى من أمبارح وأخدت علاج امبارح من الصيدليه

[طبيبة مسلمة]

اهلا وسهلا اخي رأفت

بداية تعبير (برد في بطني) تعبير خاطئ ولكن للاسف يجري على لسان العامة كثيرا جدا

عايزاك تقولي ايه اللي حاسس بيه بالزبط وايه اللي حصل وان شاء الله تلاقي الحل

بس الكشف هنا مش مجانا سعر الكشف دعوة بظهر الغيب :)

[AbOzIeD]

السلام عليكم
هوه سؤال المره دى مش عنى
سؤال للعضو ميدوا رشاد بس هوه تعبان وانا لسه راجع معاه دلوقتى بعد ما وديته للدكتور
هوه بس انا عايز استفسار من حضرتك برضه
عن شىء
هوه احمد كل فتره يحصل عنده إلتهاب فى اللوز وحررته تسخن
بس عنده فى البيت مش عايزين يعملوا ليه عمليه اللوز
إلى هيه عمتى يعنى رافضه لان عمره دلوقتى بقى 19 يعنى 3 ثانوى
المهم
النهارده الدكتور قاله ان اللوز ملتهبه وعليها صديد واداله حقن ولبوس وحبوب وغرغره
ومنعه عن الأكل العادى وياكل مسلوق بس
انا سألت الدكتور وقلت ليه يعنى عادى لو معملش العمليه
قال اه
فا انا ساتغرابى كله
ان الموضوه ده بيتكرره عنده
وغير الحقنه إلى بياخدها كل 6 شهور
فهيكون فى اثر عليه بعد كده لو معملش اللوز
ياريت حضرتك توضحى ليه
علشان لو موضوع اللوز ده لازم تتشال اضغط على والدته وافهمها انه لازم يعملها
وجزاك الله خير

[AbOzIeD]

انا سمعت ان الكشف عندكم ببلاش قالى الرسيم بدام تعبان ابقى اسأل هنا وهتلاقى حل
فأنا عندى برد فى بطنى وتعبانى من أمبارح وأخدت علاج امبارح من الصيدليه

هههههههههههههه
برد فى بطنك
هههههههههه
ألف سلامه عليك يا رأفت
ومتنساش تسدد رسم الدكتوره
هههههههههههه

[AbOzIeD]

الله يسلمك وشكرا لاهتمامك
واسفة لاني بتعبك معايا
وجزاك الله عني كل خير


معلش يا دكتوره
يارت تكونى سألتى عن حاله هناء
عايزين نطمن عليها
وعلى عنيها
علشان نقدر نشوفها من جديد على التحدى
وكمان لان العنين حساسه
وحالتها دى طولت جدا

[طبيبة مسلمة]

شفاك الله وعافاك يا ميدو

انا مدرستش ان مينفعش حد في سن ميدو انه ميعملش اللوز

وبعدين مادام الموضوع كان متكرر عنده كده كان المفروض تتشال من وهو صغير

عامة انا هسألك تاني وارد عليك

معلش عشان اليومين دول انا بجد في حالة مايعلم بيها الا ربنا فلو اتاخرت عليكم اعذروني

[طبيبة مسلمة]

انا استفسرت لكم عن الموضوع وزي مقلتلك لا مشكلة في السن مطلقا

فمادام الدور متكرر عنده اوي كده وبيعمل صديد فخليه يشيلها احسن

بس هي ايه الحقنة اللي بياخدها كل ست شهور دي؟

[AbOzIeD]

شفاك الله وعافاك يا ميدو

انا مدرستش ان مينفعش حد في سن ميدو انه ميعملش اللوز

وبعدين مادام الموضوع كان متكرر عنده كده كان المفروض تتشال من وهو صغير

عامة انا هسألك تاني وارد عليك

معلش عشان اليومين دول انا بجد في حالة مايعلم بيها الا ربنا فلو اتاخرت عليكم اعذروني



خلاص ان شاء الله
ويارب حضترك تكونى بخير
ونسأل الله ان ييسر لكى كل أمورك

[طبيبة مسلمة]

i answered you in the last post
u missed it

[AbOzIeD]

انا استفسرت لكم عن الموضوع وزي مقلتلك لا مشكلة في السن مطلقا

فمادام الدور متكرر عنده اوي كده وبيعمل صديد فخليه يشيلها احسن

بس هي ايه الحقنة اللي بياخدها كل ست شهور دي؟


ان شاء الله أسأل لحضرتك بكره
وأقولك

[AbOzIeD]

i answered you in the last post
u missed it


شوفته بعد الرد بس انا كنت بستفسر عن ان حضترك فى ايام مايعلم بيها إلى ربنا
وبس قلت ادعى لحضترك بتيسير الأمور

[hesham_ehab99]

السلام عليكم ورحمة الله وبركاته
انا عندى مشكله فى اذنى اليمنى حيث يوجد ثقب داخل طبله الاذن وبدون سبب للثقب
وايضا يوجد صديد داخل نفس الاذن
عايز اعرف ايه العلاج المناسب والارشادات اللازمه
وجزاكم الله خير

[طبيبة مسلمة]

وعليكم السلام ورحمة الله وبركاته
شفاك الله وعافاك

اللي عندك ده التهاب مزمن في الاذن الوسطى وغالبا هو السبب اللي ادى ان طبلة الاذن تتخرم

هكتبلك على علاج تاخده بانتظام لمدة اسبوع وان شاء الله الامور تتحسن

Augmentin 1 gm tablets
قرص كل 12 ساعة
( لو عندك حساسية من البنسلين قولي عشان نغير المضاد الحيوي ده)


Mucosolvin
قرص كل 8 ساعات

claritin
قرص واحد يوميا


otrivin nasal drops
نقطتين في فتحة الانف مرتين يوميا


لا تضع اي نقط في الاذن
منع دخول الماء داخل الاذن
لاتقم باستخدام القطنة الخاصة بتنظيف الاذن


ولما يعدي اسبوع قولي ايه النظام

[acer]

السلام عليكم ورحمة الله وبركاته
ليه صديق عنده كياس دهنيه فى دماغه صغيره
فى اماكن متفرقه يا ترى دى ناتجه عن ايه وكمان هيه معديه ولا لاء او ياريت شرح تفصيلى عنها لو امكن وطرق علاجها وبعض النصائح وجزاكم الله خير

[طبيبة مسلمة]

السلام عليكم ورحمة الله وبركاته
ليه صديق عنده كياس دهنيه فى دماغه صغيره
فى اماكن متفرقه يا ترى دى ناتجه عن ايه وكمان هيه معديه ولا لاء او ياريت شرح تفصيلى عنها لو امكن وطرق علاجها وبعض النصائح وجزاكم الله خير

الاكياس دي بتنتج عن انسداد القنوات الخاصة بالغدد الدهنية بفروة الراس فالافرازات بتاعتها بتتجمع جوا الغدة وتعمل الاكياس دي

دي مش معدية مطلقا لكن ممكن يحصل عليها التهاب بكتيري

الاكياس دي لما بتبقى كبيرة او حصل فيها التهاب بتتعالج جراحيا انها تتفتح وتتشال ولو في التهاب بياخد مضاد حيوي

[AbOzIeD]

سيتم إغلاق الموضوع فى الوقت الحالى
دمتم بخير