سوال موجه خاصة للبنات ؟

[algantel_M]

ماذا يدور في عقل الفتاة عندما تقرر الارتباط بشاب ؟

أغرب وأصعب أحاسيس تحدث للفتاة تكون في حالة قرارها الارتباط بشاب
وذلك نظرا لتعدد المشاعر التي تحدث في وقت واحد مما يؤدي لتشابكها
وتداخلها بل وأحيانا تناقضها مما يدور في عقلها
فأتمني من كل فتاة أن تجاوب علي هذا السوال ؟

[algantel_M]

ايه ياجماعة السؤال صعب وألا ايه ؟

[طبيبة مسلمة]

هو فعلا السؤال صعب :)

عشان المشاعر دي بيبقى صعب ان الواحد يطلعها او يوصفها بكلام

لكن هاحاول اقول حاجة :)


مجرد ان البنت تعرف ان في واحد متقدملها دي في حد ذاتها بتشكل سعادة كبيرة جدا للبنت..اخيرا كبرت وبقت عروسة وهاتبقى زوجة ومسؤولة عن بيت وزوج واولاد , وفي حد اختارها من بين كل البنات عشان يرتبط بيها..

واكيد اي بنت المفروض تكون حاطة في بالها الصفات اللي هي عايزاها في شريك حياتها..وبتبدأ مع مساعدة اهلها تشوف هل العريس اللي متقدم فيه الصفات دي او لا

ومع الوقت بتبدا تتعرف على جوانب شخصية العريس وتعرف صفاته ايه

واكيد مافيش حد في الدنيا كامل..ممكن في حاجات معينة من اللي كانت تحلم بيها متلاقيهاش في العريس المتقدم..لكن المهم ايه اللي ينفع تتنازل عنه وايه اللي مينفعش

يعني لو مثلا كانت بتحلم ان زوجها يكون وسيم وطويل وشعره لونه كذا ولاقت ان العريس المتقدم مش وسيم قوي دي ممكن تتنازل عنها

كان نفسها يبقى عنده عربية والعريس امكانياته حاليا متمكنهوش يجيب عربية دي برضو ممكن تتنازل عنها

لكن اي حاجة في الاساسيات زي الدين والاخلاق طبعا لايمكن انها تتنازل فيها عن شئ

وطبعا لاننسى صلاة الاستخارة وطلب العون من الله في كل خطوة من الخطوات.

ولو ربنا كاتبلها انها فعلا ترتبط بالانسان ده هانلاقي الايجاب والقبول والارتياح النفسي موجود...وممكن كمان يحصل اعجاب متبادل بين الطرفين... وحتى لو القبول متوجدش من اول لقاء ممكن ييجي بعد كده, عشان في بنات بتستعجل وبعد اول لقاء تقول انا مش حاسة باي حاجة ولا ايجاب ولا رفض فمتقلقش وتستنى شوية..


وطبعا اثناء كل ده البنت ممكن تحس بالخوف او القلق لان ده طبعا قرار مصيري تتوقف عليه حياتها كلها بعد كده..لكن زي ماقلت بالاستعانة بالله والاتزام بالمعايير الصحيحة في الاختيار وبمشورة الاهل ان شاء الله القلق يزول

ولا ننسى قول الله تعالى(( الطيبات للطيبون والطيبون للطيبات))


وربنا يرزق كل شباب التحدي بزوجات صالحات وكل بنات التحدي بازواج صالحين ان شاء الله :)

[admin]

جميل ردك على الموضوع
وربنا يرزق كل شباب التحدي بزوجات صالحات وكل بنات التحدي بازواج صالحين ان شاء الله :)